Энэ жилийн сар шинийн барилдаан үнэхээр олны таамаглал, тааврыг зөрүүлсэн барилдаан олон гарсан гэж билээ. Тэр тусмаа Заан Б.Ганбатыг түрүүлнэ гэж таавар ирүүлсэн хүн тун ховор байсан гэдэгт итгэлтэй байна.
Энэ өдрийн барилдаан эхнээсээ л аймаг цэргийн цолтой бөхчүүд хурдан шаламгай даачин барилдаж байлаа. Үнэхээр л энэ жилийн Наадамд цолны болзол хангахын тулд шургуу бэлтгэл хийж байгаа нь илт байлаа. Мөн Сар шинийн барилдааныг МУ-ын Ерөнхийлөгч Н.Энхбаяр, УИХ-ын дарга Д.Дэмбэрэл, МУ-ын сайд С.Баяр нар хүрэлцэн ирж үзэж сонирхсон нь үзэгчдийн сэтгэлийг их хөдөлгөж байлаа. Мөн Сумогийн 69 дэх Их аврага М.Даваажаргал ирж үзэж сонирхсон нь бөхөө дээдэлсэн сайхан явдал боллоо. Тэрээр бас гар хоосонгүй ирээгүй үзүүрт үлдсэн хоёр бөхөд гарын бэлгээ гардуулсан билээ.
Ингээд энэ өдрийн барилдааны шөвгийн дөрөвт Далай аврага Г.Өсөхбаяр, Заан Б.Ганбат, Харцага Баасандорж, Начин Ду.Батбаяр нар үлдсэн нь олны тааврыг нилээн зөрүүлсэн явдал болсон байх. Баасандорж харцагыг 4т үлдэнэ гэж бодсон хүн ховор байсан байх, Ду.Батбаярын хувьд сүүлийн хэдэн заалны барилдаанд сайн барилдаж байсан учир нэрлэж болох л байсан. Ингээд Б.Өсөхбаяр, Заан Б.Ганбат нар үзүүр түрүүнд үлдсэн бөгөөд хүмүүс ихэнх нь Г.Өсөхбаярыг түрүүлнэ гэж таамаглаж байсан ч аврага түрүүлж мэх хийн өөрөө мэхэндээ уналаа. Ингээд Улсын залуу Заан Б.Ганбат анх удаагаа Сар Шиннийн барилдаанд түрүүллээ.
0 Сэтгэгдэл:
Post a Comment