Ногоон эрчим хүчний үйлдвэрлэлийг хөгжүүлж байна

Сүүлийн жилүүдэд дэлхий даяар байгаль орчныг хамгаалах асуудал дээр голлон анхаарах болж, уламжлалт эрчим хүч гэхээсээ илүү байгалийн эрчим хүчнийн үйлдвэрлэлийг шинээр байгуулах болжээ.

Тайвань нь эрчим хүчний нөөцөөр бага, дээр нь олон улсын зах зээл дээрх нефтийн үнэ ихээхэн тогтворгүй байгаа тул Засгийн газраас нь нөхөн сэргээгдэх эрчим хүчний тоног төхөөрөмжийг судлан бүтээхийг өргөнөөр дэмжих болсон байна. Нарны эрчим хүч үүсгүүр болон LED гэрэлтүүлэг, салхин цахилгаан үүсгүүр зэрэг цоо шинэ үйлдвэрлэл нь Тайванийн шинэхэн Niche үйлдвэрлэл болоод байна. Олон улсын эрчим хүчний агентлаг (IEA)-аас гаргасан мэдээлэлд 1990-2006 оны хооронд дэлхийн сэргээгдэх эрчим хүчний хэрэгцээ жилд дунджаар 1,8 хувиар өссөн бөгөөд үүнээс нарны эрчим хүч, салхин эрчим хүч, газрын дулаан болон далай тэнгисийн зэрэг дахин сэргээгдэх эрчим хүчний өсөлт хамгийн их буюу дунджаар 3.9 хувьд хүрсэн байна. Ирээдүйд улс бүхэн эрчим хүчээ хэмнэн, нүүрстөрөгчийг багасгахад шийдэмгий арга хэмжээ авч хэрэгжүүлэх учраас, дахин сэргээгдэх эрчим хүчний эрэлт хэрэгцээ болон цахилгааны хэмжээ цаашдаа улам ч их нэмэгдэх аж.

Урьдчилсан байдлаар, Тайванийн нарны энергийн үүсгүүр, салхин эрчим хүч үүсгүүр, LED, экологийн зэрэг байгалийн ногоон эрчим хүчний үйлдвэрлэлийн хэмжээ 2007онд 5,6 тэрбум доллар байсан бол 2012 он гэхэд энэ үзүүлэлт 17,8 тэрбум доллар болж өсөх гэнэ. Өөрөөр хэлбэл, дундаж өсөлт нь 26,1 хувьд хүрсэнээр Тайвань нь шинэхэн Niche үйлдвэрлэлтэй улс болох юм байна.

Сүүлийн үед улс бүхэн цаг агаарын өөрчлөлтөнд нийцсэн, байгаль орчинг хамгаалах олон улын хэлэлцээрийн шаардлагыг нэмэгдүүлэх, олон улсын зах зээл дээрх нефтийн үнийн хэлбэлзэл зэрэг хүчин зүйлүүдийн улмаас эрчим хүчийг орлуулан хэрэглэхийг идэвхтэй хөгжүүлж байна. Энэхүү байгалийн эрчим хүчийг ашиглаж Тайвань нь байгалийн цэвэр эрчим хүчний үйлдвэрлэлийг хөгжүүлсэнээр эрчим хүч нийлүүлэлтийн аюулгүй байдлыг хамгаалахаас гадна дэлхий нийтийн экологийн үйлдвэрлэлийн хөгжлийн үндэс суурийг тавьж чадах аж.

Read More

Ногоон тив байгалийн гамшигт нэрвэгдлээ...

Хүн төрөлхтөн байгаль дэлхийдээ хайр, гамгүй хандах болсноор сүүлийн жилүүдэд дэлхийн цаг агаарт онцгой өөрчлөлт гарах болсон билээ. Барууны зарим нэг орнуудаар өмнө нь үзэгдээгүй их хэмжээний цас орж, хэт хүйтнээс болж иргэд хөлдөж үхсэн байхад дэлхийн бөмбөрцөгийн өмнөд хэсэгдэх ногоон тивд агаар хэт халж байгалийн онц аюулт үзэгдэл болж байна. 

Өнгөрсөн сарын сүүлийн долоо хоногоос эхлэн Австралийн өмнөд хэсэгт агаарын температур +40хэмээс буухаа больсон. Агаарын энэ их хэт халуунаас үүдэн “Дэлхийн ногоон цэцэрлэг” хэмээн нэрлэгдэх тус газар нутаг ой хээрийн түймэрт автах болж, хамгийн сүүлийн мэдээллээр энэхүү байгалийн гамшигт амь үрэгдэгсэдийн тоо 170 гараад байгаа бөгөөд энэ тоо цаашид өсөх магадлалтай байгаа талаар албаны хүмүүс мэдээлж байна.

Тус улсын Ерөнхий сайд Кевин Рудд амь үрэгдсэн хүмүүсийн тоог үнэхээр аймшигтай хэмээн хэлсэн ба байгалийн энэ аюул цаашид олон таагүй мэдээлэл дагуулж болзошгүй талаар нийт ард иргэддээ анхааруулжээ.

Одоогийн байдлаар нутгийн хэмжээнд 25 ой хээрийн түймэр бүртгэгдээд байгаа юм. Хоёр нь мужийн нийслэл Мелбурн хоттой тун ойрхон байгаа аж. Түймрийн улмаас зарим жижиг хот тостон бүхэлдээ сүйрсэн бөгөөд ой хээрийн түймэр нийт 3000 км.кв талбайг хамраад байна. Ой хээрийн түймэр Викториа мужаас гадна зэргэлдээх Шинэ Өмнөд Уэльс болон Өмнөд Австрали гэх хоёр мужид бүртгэгдээд байна. Тэдгээр бүс нутагт хэдэн арван мянган гал сөнөөгч, цэргүүд галт түймрийн аюулыг зайлуулахаар ажиллаж байгаа аж.

Гал сөнөөгчдийн хэлж буйгаар агаарын хэм буурч, дунджаар 20 гаруй хэм болсон ба гал унтраах нөхцөл харьцангуй дээрдэж байгаа учмр тэдэнд зарим их галыг цурманд оруулах боломж нэмэгдэж байгаа гэнэ. Гэхдээ хотын ойролцоох хоёр галын хувьд ноцтойд тооцогдож байна. Энэхүү аймшигт raл түймрийн улмаас хэдэн мянган ард иргэд гэр оронгүй үлдэж, төрөл төрөгсөд, хамаатан саднууд нь op сураггүй алга болжээ. Албан ёсны мэдээллээр 750 гаруй орон сууц, байшин барилга галд шатаж, үнсэн нурам болсон бөгөөд 78 хүн хүнд бэртэл, нэгдүгээр зэргийн түлэгдэлтийн улмаас эмнэлэгт хэвтэн эмчлүүлж байна. Тус аймшигтай явдалтай холбогдуулан Австралийн Ерөнхий сайд ноён Рудд гамшигт нэрвэгдсдэд зориулан 10 сая австрали доллар буюу долоон сая ам.долларын яаралтай тусламж үзүүлэх шийдвэр гаргажээ.

Мөн тэрбээр түймэрт өртсөн бүс нутгийг дахин сэргээхийн тулд багагүй хугацаа шаардлагатай гэдгийг онцолсон юм. Одоогийн байдлаар гал түймэрт багагүй

хамгийн ихээр өртсөн газар нутагт Виктория, өмнөд Австрали болон өмнөд шинэ Уэльс тооцогдож байна.

Түймрийг унтраах хүнд хүчир ажилд гал сөнөөгчдөөс гадна сайн дурынхан, цэргийнхэн нэгдээд байгаа аж. Түүнчлэн галыг хүний хүчээр унтраахад хүчин мөхөсдөж, зөвхөн бороо л түймрийг бүрмөсөн дарна хэмээн тус төвийнхөн үзэж байгаа гэнэ.

Гэвч аагим хатуун тус тивд дахиад хэдэн өдөр үргэлжлэх төлөвтэй байна. Халуунтай зэрэгцэн хүчтэй салхитай байгаа нь түймрийг газар авахад нөлөөлж байгаа бөгөөд унтраахад хүндрэл учруулж байгаа аж.

Read More

Чоно хэзээ ч эзнээсээ салдаггүй байжээ

Зэрлэг чоно хүнд дассан сонирхолтой явдал болжээ. Гэхдээ тэрхүү чоныг багаас нь тэжээгээгүй, нэг л өдөр өөрөө үүдэнд нь ирээд суучихсан байсан бөгөөд үхтлээ яваагүй аж.

Энэ явдал Австралийн нэгэн тосгонд болжээ. Газар тариалан эрхэлж амьдардаг 27 настай Чарлис өглөө эрт босч гадаа гарахад үүдэнд нь чоно сууж байжээ. Айсандаа гэрээсээ гаралгүй хэдэн цаг болсон Чарлис өөрт нь хор хүргэхгүй, харин тусламж хүсээд байгааг ойлгон аажмаар дөхөхөд зүгээр л дээшээ хараад хэвтээд өгч. Түүний гэдэс ямар нэгэн юманд урагдаж хувилсан байсан бөгөөд Чарлис шархыг нь цэвэрлэж өгөөд явуулжээ. Энэ явдлаас хойш чоно явалгүй яг л тэжээвэр нохой шиг хамтдаа амьдрах болжээ.

Read More

Бөхөнг намнаад үйлдэл дээрээ баригджээ.

Дэлхийн улаан номонд бичигдсэн амьтдын нэг бол бөхөн. Энэ амьтан Говь-Алтай аймгийн Шарга, Хүйсийн говьд л байдаг. Гэтэл саяхан тус аймгийн Дарви сумын хоёр этгээд 11 бөхөн намнаад газар дээрээ баригджээ. Дархан цаазтай энэ амьтны нэг нь л гэхэд сая гаруй төгрөгөөр төлөгдөх гэнэ. Бөхөн алсан хүмүүс төлбөр төлөөд зогсохгүй гэмт хэрэгтэн боллоо.

Бөхөнгийн маханд биш эврэнд нь хүмүүс шунадаг. Түүний эврийг эмчилгээнд хэрэглэдэг гэлцдэг. Өөрсдөө хэрэглэхдээ биш урьд хөрш рүү гаргаж хэдэн юань олж авах сонирхлоор ийнхүү шунадаг ажээ.

Read More

Байгаль орчноо хайрлая...

Монголчуудаа бид эх болсон байгаль орчноо хайрлах цаг болсон юм бишүү? Энд тэндгүй л моднууд нь өгөршиж хатаж, хөрөөдөх тайраад дууслаа. Байгаль орчноо хайрлая гэсэн зарим нэг нь нэг талд нь тарьж байхад өөрийнхөө амьдралыг залгаж, өөрийнхөө ашгийг бодсон нэг нь нөгөө талаас нь устгаад байвал яаж Цэвэр орчин, сайхан байгаль бий болох билээ дээ. 

Хүн бүхэний хамтын зүтгэл, нэгдмэл байдал л байгаль орчныг аварч чадах бусуу. Одоо Монголын дийлэнх ой тайгууд хүмүүсийн хар гайгаар шатаж устгаж, тайруулж алга болж байна шүү дээ. Би одоо л энэ бүхэнийгээ зогсоож нэг эв санаагаар нэгдэхгүй бол удахгүй Монгол орны байгаль зүгээр л устгах нь нүдэнд илхэн харагдаж байна. Энэ бүгдийг бодохоор сэтгэл эмзэглэж байна. 

Байгаль орчноо хамгаалахын төлөө олон сайхан байгуулгууд нээгдээд л байна тэднийхээ үйл ажиллагааг Улс төрийн томчууд нь дэмжээд өгвөл уул нь их хэрэгтэй юм шүү дээ. Хаа хамаагүй энд тэндэхийн машины компани, бүтэхгүй үйлдвэрүүдэд хөрөнгө оруулж байхаар Байгаль орчноо хайрлан хамгаалаад байвал эцэст нь үр хойчид чинь үр ашгаа өгөх болно шүү дээ.

 

Read More