Та хайр сэтгэлтэйгээ ямар улиралд учирсан бэ?

Эргэх 4 улирал өөр өөрийн онцлог басхүү нууцтай. Эдгээр нь хүн бүрт харилцан адилгүй үйлчилдэг. Хүний мэдрэмж, сэтгэл зүй улиралаа даган өөрчлөгдөж хувирдаг хэмээн сэтгэл зүйчид үзжээ. Тэдний үзэж байгаагаар хайр сэтгэлийн хүрээ, хувирал, үе шат ч мөн улиралтай холбоотой гэнэ.

Read More

Эхийн хайр

"Би хvvхдээ харж болох уу" гэж дөнгөж нярайлсан эх асуулаа. Тvvнд өлгийтэй хvvхдийг өгөхөд баярлаж хөөрсөн эх сайтар харахын тулд өлгийг нь задлаад цочирдсондоо юу гэж хэлэхээ ч мэдсэнгvй.

Read More

Холливудын од Стивен Сигал Монгол бүсгүйтэй хуримлана.

Сонирхолтой мэдээ байхаар нь тавьчихлаа...Уншаарай

Read More

Хайрын таван хэл

Хайр. Хайр гэдэг нэгэн томоохон шинжлэх ухаан гэлтэй. Хүн бүхэн энэ шинжлэх ухааныг амьдралынхаа турш судалдаг. Хайрын таван хэл гэдэгт урмын үгс, хамтдаа байх, бэлэг, халамж, биеэр мэдрэх ордог аж. Эдгээр нь хосуудын хайр сэтгэлээ илэрхийлэх хэл ажээ. Хүмүүс хайраа өөр, өөрөөр илэрхийлдэг тул хүн бүрийн хайрын хэл адил байх албагүй гэнэ. Энэ бол Турк улсын нэрт сэтгэл зүйч, доктор Чапманы дүгнэлт. 

Хайрын таван хэлийг хэрхэн ашиглах вэ?

1.Урмын үгс

- Миний найз өнөөдөр ямар гоё харагдаж байна аа.

- Шинэ хувцас аваа юу. Ганган зохиж байна шүү. 

- Үсээ тайруулчихаж, хөөрхөн ч болчихсон юм уу

- Чамгүйгээр би яана даа

- Ямар азаар би чамтай учрав аа

Сэтгэлээс гарах энэ мэт үгсийг хайртдаа харамгүй хэлж бай. Мэдээж бүгдийг нь нэг дор биш л дээ. Хайртдаа зориулсан урмын ганц үг түүнийг тань хэчнээн их аз жаргалтай болгодгийг та мэдрэх болно. Бид ажил дээрээ, гадуур явж байхдаа хүмүүст баярласан талархсанаа байнга л хэлж байдаг. Тэр бүү хэл газар унагасан юмыг чинь аваад өгсөн хүнд ч “Баярлалаа” л гэдэг. Тийм хэрнээ амьдралыг тань үүрэлцээд, хань түшиг болоод, үр хүүхдээ өсгөлцөж байгаа ханьдаа баярладаг, үргэлж талархаж явдгаа байнга биш юм гэхэд ойр ойрхон хэлж байх нь харилцааг улам бэхжүүлж, амьдралыг улам сайн сайхан болгоход тустай гэж доктор зөвлөж байна. 

2. Хамтдаа байх

Ханьдаа зориуд зав гаргаж бай. Зөвхөн түүнтэйгээ хамт байхын тулд өдөр тутмын ажлаа зохицуулж аль болох цаг их гарга. Хамтдаа гадуур алхаж бай. Зурагтаа унтраачихаж байгаад ярилц. Ингэхдээ хайртынхаа нүд рүү нь харан ярьж байгаарай. Нүд худлаа хэлдэггүй юм гэж доктор Чапман захиж байна. Гэр бүлдээ цаг гаргана гэдэг нь заавал тусгайлан төлөвлөхийн нэр биш аж. Зүгээр л хоолоо хамт идэж, өдрийг хэрхэн өнгөрүүлсэн тухайгаа сонирхуулан ярьж хөгжилдөж бай. Ердөө тэгэхэд л хамтдаа байхын жаргалыг мэдэрнэ. Мөн дараах бяцхан зөвлөмжийг байнга санаж байхыг хүсчээ. 

- Хайртынхаа яриаг сонсож байхдаа өөр зүйл битгий хий.

- Сэтгэлийг нь ойлгохыг хичээ.

- Үгийг нь бүү тасал.

- Хоол хийхэд нь тусал.

- Гадуур хооллохыг санал болго

- Аялалд хамт яв

3.Бэлэг

Хүмүүс зөвхөн баяр тохиолдуулж юм уу, онцгой үйл явдлын үеэр бие биедээ бэлэг өгдөг гэсэн ойлголттой байх нь элбэг. Мэдээж ийм өдрүүдэд бэлэг авах аятайхан ч энэ нь бараг л энгийн үзэгдэл болчихсон. Харин хайртын, ханийн бэлэг гэдэг өөр, онцгой бөгөөд тэр нь хэзээд үнэтэй, хайраа илэрхийлэх бас нэгэн хэл аж. Нөхөртөө, эхнэртээ хааяа цэцэг аваад ор. Хэн хэнд тань ойрд мэдрээгүй сайхан мэдрэмж төрөх вий. 

Бэлэг авах гэдэг их мөнгө зарахын нэр биш, сэтгэлийн илэрхийлэл тул хямдхан байсан ч хайртад тань таалагдана. Бэлэг таны хүсэл мөрөөдлийг ч хэлээд өгнө. Хайртын тань өгсөн бэлэг таалагдахгүй байхыг үгүйсгэхгүй. Тэгсэн ч хэрэглэж байхыг бодоорой. Гэртээ их цэвэрлэгээ хийх үед хогон дотор өгсөн бэлэг нь явж байхыг нөхөр, эсвэл эхнэр тань харчихвал юу болохыг бодолцоорой.

4. Халамж

Энэ бол мөн л хайрын хэл. Түүнийг амьдралынхаа нэгэн хэсэг болгох хэрэгтэй. Гэхдээ мэдээж хүчээр биш, сэтгэлээсээ. Хайртыгаа хайрлах тусам аяндаа халамжилдаг ч ажил, бизнестээ түүртээд санаанаас цаашгүй болчих үе бий тул хичээх хэрэгтэй. Аливаа ажил хийхдээ үглэж янших хэрэггүй. Шинэхэн хосууд магадгүй халамжлах аргаа олохгүй байж болох юм. Тийм бол ханийнхаа өдөр тутмын ажилд нь туслахад л болно. Аяга угаах, юм индүүдэх, хүүхдээ сургууль, цэцэрлэгээс авахад нь тусал.

5. Биеэр мэдрэх

Ханийгаа тэвэрч, үнсэж байдаг юм шүү. Биед нь аль болох хүрч бай. Ялангуяа эхнэр тань хүүхэд төрүүлэх, өвдөх үед дэргэд нь байж түших хэрэгтэй. Уйлах үед нь тэвэрч, уйтгарлах үед нь гараас нь хөтлөх ч юм уу, сугадалцаж алх. Тэврээд явбал бүр л сайхан санагдаж тайвширна. 

Сэтгэл зүйч, доктор Чапманы зөвлөгөөг та мөрдөөд үзээрэй. Амьдралд тань хэрэг болно гэдэгт итгэлтэй байна.

Read More

Хайртдаа хэлж болохгүй 9 хориотой үг

Бүсгүйчүүд илэн далангүй байх гэж бодож санасан зүйлээ хайртдаа шууд хэлдэг. Гэвч үүнээс үүсэх үр дагаварын талаар огтхон ч боддоггүй нь харамсалтай. Энгийн хэрнээ таагүй сэтгэгдэл төрүүлдэг үгс байдаг аж. Хайртдаа хэлж болохгүй дараах есөн үгийг толилуулж байна. 

1. “Чи хуучин найзтай минь адилгүй /адилхан/ юм”. Энэ үг түүнд уур бухимдал төрүүлнэ. Таны хувьд “хуучин” гэгдэх боловч түүнд үргэлж “өрсөлдөгч” нь байдаг. Эрчүүдийн сэтгэхүйд хайртай бүсгүйгээ “өмчлөх” хүсэл бат бөх суусан байдаг тул урьдын хэнийг ч “хүчтэй өрсөлдөгч” гэж боддог. Тиймээс түүний байр суурийг эзлэж явсан хүний талаар дурсаж, өөртэй нь харьцуулахад илүүтэй дургүйцдэг аж. Хэрэв та энэ үгийг байнга хэлдэг бол түүнд “Хуучин найз нь сэтгэл зүрхэнд нь одоо ч байдаг учир ингэж харьцуулдаг юм байна” гэсэн бодол төрөх вий. 

2. “Эгч (дүү) маань зовж байна” гэж хайртай хүндээ хэзээ ч битгий ярь. Ядарч яваа садан төрлийнхнийхөө тухай цухуйлгаж ч болохгүй. Ийм зүйлийг сонссон залуу танаас болгоомжилж холдоход хүрдэг. Гэр бүл болчихсон хойноо “Дугуй дугуйгаар таарчихсан юмнууд...” гэх мэт үгсийг хэзээ нэгэн цагт хэрүүл маргаан болох үед сонсох л болно. 

3. “Чамгүйгээр би амьдарч чадахгүй”. Та энэ үгийг хэлснээр түүнд хайртайгаа илэрхийлж байна гэж бодож байгаа бол хамгийн том эндүүрэл. Учир нь энэ үг түүнийг “Надад ухаангүй дурласан болохоор яасан ч яах вэ” гэж бодоход хүргэнэ. Тиймээс түүнд ингэж бодох боломж бүү олго. Харин чамайг алдчих вий гэсэн айдсыг түүнд байнга мэдрүүлж бай. 

4. “Хонгор минь, чи надад хайртай юу? Чи одоо юуны тухай бодож байна?”. Орон дотроо хайртай хүнээсээ энэ асуултыг ярианы сэдэв болгож асуух хэрэггүй. Мэдээж та “тийм”, “чиний тухай” гэсэн хариулт сонсохыг хүсч байгаа. Харин хариулт сонссоныхоо дараа “худал” хэлээгүй байгаа гэсэн бодолд автана. Үнэндээ тэд үргэлж худал хэлдэг. Эрчүүд сексийн дараа тэр дороо унтаагүй л бол ямар нэгэн зүйлийн талаар бодох дургүй байдаг тул таны асуултанд шууд хариулдаг. Харин та энэ асуултыг үнэн сэтгэлээсээ тавьсан бол тэдний хувьд утгагүй асуулт тул бухимдахад хүргэдэг.

5. “Олон ангит кино үзээд төрсөн сэтгэгдлээ” битгий ярь. Энэ тухай яримаар санагдаад хорхойсоод байвал найз бүсгүй, эсвэл хөрштэйгээ ярьж болно шүү дээ. Эрчүүд олон ангит кинонд дургүй байдаг. Мөн бодит амьдралын талаар сонссон, уншсан зүйлээр маргаж болохгүй. Таны оюуны чадвар хэдий чинээ их байна төдий чинээ дургүйцэл нь нэмэгддэг. Эмэгтэйчүүд тэднээс оюун ухааны хувьд сул дорой байх ёстой гэж үздэгтэй холбоотой.

6. “Дэмий зүйлд мөнгө үрээд” гэсэн үгийг хэзээ ч хэлж болохгүй. Харин ч үнэн сэтгэлээсээ баярлах хэрэгтэй. Ихэнх бүсгүйчүүд “Зүгээр л мөнгийг нь өгчихсөн бол би өөрөө сонголт хийгээд хэрэгцээтэй зүйлээ авахгүй юу” гэж боддог нь нууц биш. Эрчүүдэд бэлэг сонгох явдал маш их дарамт авчирдаг. Хэрэв санаачлагаараа бэлэг сонгон авсан бол та түүний хувьд эрхэм хүн гэсэн үг. “Дэмий зүйлд мөнгө үрлээ” гэхийн оронд үнэн сэтгэлээсээ талархаж байхгүй бол магадгүй дараагийн бэлэг өөр бүсгүйд очих вий.

7. “Ээж чинь бид хоёрыг салгах гэж хичээж байна”. Энэ үнэн байсан ч бүх зүйл сайхан байгаа мэт дүр үзүүл. Тухайн хүн ямар ч бай түүний ээж нь болохоор хадмынхаа талаар сайн зүйлийг л ярьж бай. Энэ "алтан дүрмийг" баримтлахгүй бол та хоёр насан туршдаа дайтах болно. Энэ дайнд ялагч байдаггүйг санаарай. Ээжийг нь өчүүхэн төдий л муулбал үр дүн нь муугаар эргэнэ. Үнэнийг өгүүлж байсан ч ярих тусам тэр таныг үзэн ядна. Хадамтайгаа та сайн харилцаатай байснаар гэр бүлд тайван уур амьсгал бий болдог гэдгийг санаж яв. 

8. "Чи үнэхээр дорой юм". Ямар ч тохиолдолд энэ үг түүнийг гомдооно. Хэрвээ найз тань “секс”-дээ тааруу бол энэ үгийг сонсоод бүр ч их шаналдаг. Эр хүн гэсэн утгаараа тэдний дотор “өөртөө итгэлтэй, бардам зан” нуугдаж байдаг. Тиймээс түүнд энэ үгийг хэлэхийн оронд болохгүй байгаа зүйлийнхээ талаар ярилцаад үз. 

9. “Би чамайг хуурсан”. Энэ үгийг үнэхээр таарч тохирохгүй, салмаар санагдсан үедээ л хэлээрэй. Хэрэв нөхөр тань таныг нууц амрагтайг мэдээгүй, мөн та түүнийгээ гэртээ авч ирдэггүй бол энэ үгийг хэлэхээсээ өмнө эхлээд сэтгэл доторхоо сонсоод үз. Жинхэнэ хайр уу, эсвэл түр зуурын шохоорхол уу? Хоромхон зуурын шохоорхол байгаад, та энэ үгийг уурын мунхагаас хэлчихжээ гэж бодьё. Тэр таныг уучилсан ч цаашдаа сэтгэлд нь хар толбо үлддэг. Зүтгэж босгосон амьдралаа нураах сайхан гэж үү.

Read More