Ам.долларын ханш өссөөр л байна. Мягмар гаригт “Найман шарга” валют арилжааны төв дээр нэг ам.долларыг 1605 төгрөгөөр авч, 1610-1615 төгрөгөөр борлуулж байсан. Тэгвэл өчигдөр 16.00 цагийн байдлаар нэг ам.долларыг 1625 төгрөгөөр авч 1630 төгрөгөөр зарж байв.
Монголбанк, арилжааны банкуудын ханш ч бас нэмэгдсэн байна. Монголбанкны ханш өмнөх өдрийнхөөсөө дөрвөн төгрөгөөр нэмэгдэж 1573.9 болсон байв. “Голомт”, “Зоос”, Худалдаа хөгжлийн банкууд ч мөн адил ам.долларынхаа ханшийг дунджаар 40 орчим төгрөгөөр нэмжээ.
Өчигдөр дээрх банкуудын ам.доллар зарах ханш нь 1610-1620 төгрөгт хүрсэн юм. Гэхдээ “Монгол шуудан”, “Хадгаламж”, “Зоос” гээд нэлээд хэдэн банк мөн л ам.доллар зарахгүй байсаар байна.
1 Сэтгэгдэл:
Доллар 1700 болов....амьдрал яанаа...
Post a Comment