Дэлхий нийтийг хамарсан Эдийн засгийн хямрал Монголд ч бас сүүдрээ тусгаж байгаагийн нэгэн илрэл нь өргөн хэрэглээний барааны үнэ буурсан явдал гэнэ.
Үүнийг ажиглагчид санхүүгийн хямрал Монголд сайнаар нөлөөлж байна гэж байгаа боловч бас үйлдвэрлэгчид, импортлогчдод муугаар нөлөөлөх талтай гэнэ.
Хүнсний гол нэрийн бараа, тэр дундаа махны үнэ өнгөрсөн сартай харьцуулахад 22-44 төгрөгөөр буурсан үзүүлэлт гарчээ. Тухайлбал, хонины мах 22 төгрөг, үхрийн цул мах 44 төгрөг, адууны мах 25 төгрөгөөр буурсан байна. Үндэсний статистикийн газрын гаргасан үзүүлэлтээр бол “Алтан тариа” ХК-ийн задгай нэг, хоёрдугаар гурил 3.3-5.7 хувь, савласан дээд, нэг, хоёрдугаар гурил 0.9-2.8 хувиар үнэ нь буурсан бол цагаан будааны үнэ 1.6 хувь буурсан дүнтэй гарчээ. Мөн иргэдийн өргөн хэрэглээний бараа болох ургамлын тос 0.9 хувь, элсэн чихэр 1.7 хувь, өндөг 2.4 хувь, хүнсний ногооноос байцааны үнэ 0.9 хувиар буурчээ. Цаашид ч буурах хандлагатай байгаа гэнэ. “Нарантуул” захаар үйлчлүүлэх иргэдийн тоо огцом буурснаас тэд өдөрт 10-аад төрлийн бараа зардаг байсан бол өнөөдөр хоёр гурав хоногтоо л ганц бараа зардаг болсон аж. Мөн үйлчлүүлэгчид цөөрсөн учир хоолны газрууд, бар, ресторанууд ч хоолныхоо үнийг хямдруулж, үйлчлүүлэгчдээ татах арга сүвэгчилж байгаа ажээ.
0 Сэтгэгдэл:
Post a Comment