Монгол улсад ДОХ-ын илэрсэн тохиолдол 121-т хүрээд байгаа нь 3н сая хүрэхгүй хүн амтай улсын хувьд том асуудал юм. Мөн анх илэрсэн тохиолдолоос хойш 17н хүн нь нас барсан мэдээ байна.
Жил бүхэн л ДОХ-ын эсрэг өдрийг Дэлхий нийтээрээ 12-р сарын 01-нд тэмдэглэн, уриа лоозон зоож, бэлгэвч тараан, ямар хор хөнөөлтэй болохыг нь сурталчилсаар байгаа ч одоо болтол ДОХ-ын тохиолдол илэрсээр л байна. Энэ нь мэдээж ДОХ-ыг би тусчихгүй гэсэн муйхар бодолтой хүмүүсийн сэтгэхүй, мөн өөрийгөө бодсон арчаагүй бодолтой нэгэн нь замбараагүй бэлгийн хавьтал, хаа таарсан хүнтэйгээ харьцаанд орсноос болж энэхүү аюултай өвчинд нэрвэгдсээр, амь үрэгдсээр л байна.
ДОХ-оос сэргийлэх хамгийн зөв алхам нь хайртдаа үнэнч байх, нэг бэлгийн хавьтагчтай байж бэлгэвчийг байнга хэрэглэж занших нь та бүхэнийг эрсдэлээс хамгаалах учиртай. Тиймээс та бүхэн минь ДОХ-ын эсрэг аянд жил бүр нэгдэж байхыг уриалж, сайн дурын шинжилгээнд хамрагдаж байхыг хүсэж байна.
121-н хүний цаана хичнээн хүн байгааг тааварлахын аргагүй шүү дээ. Илэрсэн тохиолдол нь л 121 гэж байгаа, харин нууц үедээ явж байгаа, шинжилгээ өгч үзээгүй эрсдэлтэй бүлгийн хүмүүс хэд байгааг таахын аргагүй. Сүүлийн үед манай залуу охид бүсгүйчүүд, залуучууд дэндүү замбараагүй бэлгийн амьдралтай болсон нь судалгаа, өнөөгийн нийгмийн байдлаас харагдаж байна. 12 настай хүүхэд ээж болж байна гэдэг маань үүний тод жишээ. Тиймээс эцэг эхчүүд, ах эгч нар минь дүү нарыгаа, найз нөхөдийгөө энэхүү аюулт нянгаас сэрэмжлүүлэхийн тулд та бүхэний тус дэмжлэг маш их хэрэг болохыг анхаарна уу!
Та бүхэнд амжилт хүсье!
0 Сэтгэгдэл:
Post a Comment