Баяртай 2012 минь баяртай
Өнгөрч буй 2012 он амжилт бүтээл, алдаа оноо, аз жаргал, баяр гунигаар дүүрэн өнгөрлөө. Хийсэн бүтээсэн, сурсан мэдсэнээ эргэн харвал завгүй суусан мэт санагдавч хангалттай их сурч мэдэж, хийж бүтээж чадаагүй мэт л санагдаж байна. Хүн бүхэн л өөрийнхөө өнгөрсөнг амжилттай өнгөрлөө гэж үздэг ч миний хувьд чамлалттай санагдаж 2013 ондоо үүнээс их үр бүтээл өгөөжтэй ажиллах юм шүү гэдэг бодол толгойд минь эргэлдэж байна.
Ингээд 2012 оны сүүлчийн өдөр болох 12-р сарын 31-нд блогтоо хуучин оноо үдэж сүүлчийн постоо бичиж байгаадаа туйлын их баяртай байна.
Өөрийн блогтоо шинэ бүхэнийг бий болгох гэж, нийгмийн алдаа оноо, шинэ соргог бүхэнийг та бүхэндээ хүргэх гэж хичээж л явна.
Би хэний ч өмнө хэлэх гэснээ хэлж, хийх гэснээ хийх дуртай нэгэн. Бичиж тэмдэглэж, санал бодлоо чөлөөтэй илэрхийлэх бүрэн эрхтэй хүний хувьд та бүхэндээ үзэл бодлоо илэрхийлсээр л байх болно.
Ингээд Айлчлан ирж буй 2013 оноо та бүхэн минь амжилтын бүтээлийн дээдийг ерөөж, улам их бүр ч ихээр амжилтай байж, аз жаргалаар дүүрэн угтан, өнгөрөөхийг хүсэн ерөөе!
ТА БҮХЭНДЭЭ ШИНЭ ЖИЛИЙН БАЯРЫН МЭНДИЙГ ХҮРГЭЕ!
0 Сэтгэгдэл:
Post a Comment