Сумо мэдээ

1.Харумафүжи түрүүлэхээ амлав

2. Их аварга Асашёорюу нэрэмжит тэмцээнээ хийхийг мөрөөддөг

3. Ёкозүна Хакухо Японы иргэн болох уу?


Харумафүжи түрүүлэхээ амлав

Нацү башёд анх удаагаа озэки цолтныг тэргүүлэн барилдах Харумафүжи энэ жилийн хувьд өөртөө том зорилтыг тавиад буй. Тэрбээр өнгөрсөн жил озэки цол хүртэнэ хэмээн ам гарч, түүндээ хүрсэн бол хэдхэн хоногийн өмнө бэлтэл хийх үеэрээ энэ жилдээ багтан анхны түрүүгээ авахын төлөө барилдана хэмээн бас нэгэн амлалт өгөв. Түүний хувьд энэ сарын 14-ний өдөр 25 нас хүрсэн юм.


Их аварга Асашёорюу нэрэмжит тэмцээнээ хийхийг мөрөөддөг

Их аварга Асашёорюү “Ясукуни” сүмийн өмнөх сумогийн ёслолд оролцсоныхоо дараа сэтгүүлчидтэй уулзахдаа ийн өгүүлжээ. Эзэн хааны цомыг 23 удаа хүртээд буй тэрбээр “Сумогийн хайр хишгийг харамгүй хүртсэн би энэ хүрээнийхний ачийг хариулж залгамж хойч үеийг төрүүлэх нэрэмжит тэмцээнээ хийхсэн гэж хүсдэг. “Асашёорюүгийн цом” гэдэг нэр өгөөд ч юм уу, бага сургуулийн сурагчдын дунд тэмцээн зохиовол хүүхдүүд идэвхтэй оролцох байх. Японы сумогийн холбоо, Сонирхогчдын сумогийн холбоотой хамтарвал мөрөөдлөө биелүүлэх цаг ойрхон биз ээ” гэж ярьсан байна.


Ёкозүна Хакухо Японы иргэн болох уу?
Гуравдугаар сарын тэмцээнд бүх өрсөлдөгчөө илүүрхэн нэг ч унаагүй түрүүлсэн ёкозүна Хакухо Токио хотын Чиёда дүүрэг дэх Гадаад сэтгүүлчдийн холбооны байранд болсон хэвлэлийн бага хуралд оролцжээ. Энэ үеэр тэрбээр “Зодог тайлсныхаа дараа ояката болж залгамж халаагаа бэлтгэнэ” хэмээн ярьсан байна. Хэрэв Хакухо хэлсэндээ хүрч ояката болбол өмнө нь Японы иргэн болох ёстой. Одоо мөрдөж буй Японы сумогийн холбооны дүрэмд зөвхөн тус улсын иргэншилтэй хүн ояката болох эрхтэй гэсэн заалт байдаг аж.

Read More

АНУ-д монгол хөшөө СҮНДЭРЛЭВ

АНУ-ын Денвер хотноо энэ сарын 24-нд монгол тулганы, долоон метрийн өндөртэй хөшөө сүндэрлэжээ. Улаанбаатар хот Денвер хоттой таван жилийн тэртээ эгч, дүү хотын барилдлага тогтоожээ.
Денвер хотынхон эгч, дүү хотууд болсныг тэмдэглэн аль нэг цэцэрлэгт хүрээлэнгээ тухайн хотын нэрээр нэрлэдэг уламжлалтай аж. Аль 2004 онд Денвер хотьн Lowry дүүргийн цэцэрлэгт хүрээлэнг Улаанбаатар хотын парк гэж нэрлэсэн байна.
Улмаар Улаанбаатар хотын паркдаа монгол орныг санагдуулахуйц дурсгалт зүйлтэй болох санаачлагыг зураач Цогтсайхан гаргаж, энэ санаагаа АНУ дахь Монголчуудын холбоо болон Улаанбаатар Денвер эгч, дүү хотын зөвлөлд танилцуулж бүрэн дэмжлэг авснаар хөшөө бүтээх ажилдаа ханцуй шамлан орсон аж. Ингээд зураач маань хөшөөнийхөө дүр хэвийг олох аянд гарч улмаар монгол гэрийн гал голомт болсон тулгыг сонгожээ. Энэхүү хөшөө нь монголын уран бүтээлчийн бүтээсэн Америк дахь анхны монгол уран баримлын бүтээл юм. Үүнээс гадна анх удаа монгол тулгыг ийм том хэмжээгээр хөшөө болгон тэр тусмаа хаа холын Америкт босгож байгаагаараа онцлогтой. Дашрамд сонирхуулахад хөшөөний нийт санхүүжилтийн 85 хувийг Америкийн албан байгууллага, компани, сангуудаас, 10 хувийг нь монгол хувь хүмүүс, харин таван хувийг нь америк хувь хүмүүс хандивлажээ.

Read More

«Вместе победим» ба хоёр «Э»-ийн ХЭМЖҮҮР

Ц.ЭЛБЭГДОРЖ, Н.ЭНХБАЯР-BRAND NAME



2005 оны сонгууль санаанд орж байна. “Гоё сонгууль” хэмээх үг нийслэлийн төв гудамжаар нэг үзэгдэж, брэндийн костюмтай нэр дэвшигчдийн хөрөг өнгө өрсөлдөн оршицгоож байсан сан. Есөн онд Тоё сонгууль” сураггүй. Бүр бараа ч үгүй. Хоёр “Э” хөшигний цаанаас ил гарцгааж, эгэл ардуудтай гар барин, хөгшдөд цайных нь сүүг авч өгсен шигээ PR-дацтааж байна. Тэдний хэн, хэн нь энэ удаад сурталчилгааны зурагг хуудаст ач холбогдол өгсөнгүй. Учир нь Ц.Элбэгдорж, Н.Энхбаяр бол Монголын улс төр дэх brand name. Чансаатай брэндийг сурталчилдаггүй биз дээ. Гэхдээ хоёр “Э”-ийн чухам хэн нь жинхэнэ брэнд болохыг сонгуулийн эцсийн дүн л харуулна. Түүнээс биш 2005 онд нэгэн улстөрчийн хэлж байсанчлан аймшгийн киног санагдуулам хар, улаан хосолсон зурагт хуудсыг хоёр “Э” ямар автобусны буудлын орчимд наалтай нь биш дээ. Рейтинг нь навс унана биз дээ.
2005 оны сонгууль санаанд орж байна. Тоё сонгууль” хэмээх үг нийслэлийн төв гудамжаар нэг үзэгдэж, брэндийн костюмтай нэр дэвшигчдийн хөрөг өнгө өрсөлдөн оршицгоож байсан сан. Есөн онд “Гоё сонгууль” сураггүй. Бүр бараа ч үгүй. Хоёр “Э” хөшигний цаанаас ил гарцгааж, эгэл ардуудтай гар барин, хөгшдөд цайных нь сүүг авч өгсөн шигээ РR-дацгааж байна. Тэдний хэн, хэн нь энэ удаад сурталчилгааны зурагт хуудаст ач холбогдол өгсөнгүй. Учир нь Ц.Элбэгдорж, Н.Энхбаяр бол Монголын улс төр дэх BRAND NAME. Чансаатай брэндийг сурталчилдаггүй биз дээ. Гэхдээ хоёр “Э”-ийн чухам хэн нь жинхэнэ брэнд болохыг сонгуулийн эцсийн дүн л харуулна. Түүнээс биш 2005 онд нэгэн улстөрчийн хэлж байсанчлан аймшгийн киног санагдуулам хар, улаан хосолсон зурагт хуудсыг хоёр “Э” ямар автобусны буудлын орчимд наалтай нь биш дээ. Рейтинг нь навс унана биз дээ.

КОММЕРСАНТЪ
Ширээн дээр минь Коммерсанть сэтгүүлийн 2005 оны №1 дугаар байна. МАХН-ын дарга С.Баярын унших дуртай сэтгүүл гэсэн л дээ. В.Путин ОХУ-ын Ерөнхийлөгчийн 2004 оны сонгуульд Д.Медведевтэй адил Коммунист намын нэр дэвшигчийн цорын ганц хүчтэй өрсөлдөгч нь байсан. Тэрбээр “коммунист” өрсөлдөгч болох Николай Харитоновыг 71,31:13,69-ийн харьцаатайгаар ялж байв. Орос тагнуулчид хаана, хаана “аюул” нүүрлэж байсныг Коммерсанть хүснэгтээр харуулжээ. Старобалтачево суурин, Балтачевскийн район, Татарын Нурлатский район, Кабардино-Балкарын Баксанский районы сонгогчид тэр чигтээ В.Путиныг дэмжсэн бол Оренбург, Приморийн хязгаар, Белгородынхон түүний зүрхэнд шар ус хуруулж байсан аж. Москва, Санкт-Петербургийн элит гаралтай сонгогчид УИХ-ын 2008 оны сонгуулийн үеэр дөчин мянгатынхан орцныхоо үүдэнд “Бид сонголтоо хийсэн тул сурталчилгааны материал үзэх шаардлагагүй” хэмээн нааж байсантай адилхан хандлагыг штабын ажилтнуудад гаргажээ. Энэ удаад хоёр “Э”-ийн гоё зурагтай сонин, сэтгүүл гэр хорооллын хөгшчүүдэд нэг их очихгүй байхыг бодоход тэдний тактик брэнд нэрээ хадгалахад оршиж буй бололтой. Ер нь Ц.Элбэгдорж, Н.Энхбаяр хоёрыг мэдэхгүй монгол хүн гэж хаа байх вэ.
УИХ-ын сонгууль болгоноор МАХН-ынхныг олонхиор сонгодог аймаг, дүүргүүд бий. Өнгөрсөн жилийн сонгуулиас ажихад, тэдний тоо цөөрсөөр. Лав л МАХН-ыг хэдэн жилийн туршид дархалсан Сүхбаатар, Дорноговь аймагт засгийн эрхийг Ардчилсан намынхан барих болсон. Хан-Уул дүүрэг ч мөн ялгаагүй. Ерөнхийлөгчийн сонгуулийн дараа хэчнээн аймаг, дүүрэг “цэнхэртэх”-ийг хүлээж л байя. Архангай, Өвөрхангай, Хөвсгөл аймаг бол угаасаа “цэв цэнхэр”.

Д.МЕДВЕДЕВИЙН УРИА БА “ЦУВАА ЗУРГАА”
Хойд хөршийн гурав дахь Ерөнхийлөгч Дмитрий Медведев “Вместе победим” буюу “Хамтдаа ялцгаая” хэмээх хоёрхон үгээр Коммунист намаас нэр дэвшсэн Геннадий Зюгановыг өнгөрсөн жил нокаутанд оруулсан.
Ардчилсан намын сонирхолтой фигур Л .Гүндалайн хэлсэнчлэн “Цуваа зургаа”-ийн зарчим Д.Медведевийн уриаг эрхгүй санагдуулаад байгаа юм. Ц.Элбэгдоржийн ард Р.Амаржаргал, Э.Бат-Үүл, Г.Батхүү, Л.Гүндалай, Р.Гончигдоржнар цувран жагсч, журмын нөхрөө дэмжиж байна. “Цуваа зургаа” хаа ч цуг явааг телевизийн мэдээгээр харуулна. “В.Путины утсан хүүхэлдэй” хэмээн тэрслүү үгтэй улстөрчдөд шоглуулдаг Д.Медведевийг тагнуулч В.Путинээс гадна “Нэгдсэн Орос” нам тэргүүтэй таван нам дэмжсэн. Тэгвэл Ц.Элбэгдоржийг Иргэний зориг болон Ногоон намынхан дэмжинэ гэсэн. Харин МАХН-аас нэр дэвшигч Н.Энхбаярын ард хэн байгаа бол. Мэдээж хэрэг, намынх нь лидерүүд бий. Гэвч У.Хүрэлсүхээс бусад нь нэг л “тод” харагдаж өгөхгүй юм. Нөгөө Ч.Улаан, Ц.Нямдорж, М.Энхболд нар хаачив. Басхүү “Н.Энхбаярын фракци” гэгддэг “Элсний 13″ таг чиг. Ажин түжин байхыг бодоход, Н.Энхбаярынхан хөшигний цаана нууц үйл ажиллагаа явуулж байгаа юм байлгүй дээ. МАХН-ын гишүүн зарим бизнесмэн сонгуульд хандив өргөх, энэ тэрээс нь залхан намынхаа байраар ч орохгүй байгаа гэсэн. Гэхдээ л тэд Эзэнбаяртайгаа нүүр тулахгүй байна ч гэж юу байх вэ дээ. Айдас лав тэдэнд бий.

Одоо хэнийх нь ээлж вэ?
УИХ-ын гишүүн З.Энхболд нэгэн сонин гаргалгааг хийнэ лээ. Хойд хөршид халзан, халимагтай улстөрчид төрийн эрхийг барьсаар ирж. В.И.Ленин, И.Сталин, Н.Хрущев…, В.Путин, Д.Медведев гэх мэтчилэн. Харин манайд бол эсрэгээрээ. Халзан толгойтой улстөрч тийм ч олон байдаггүй юм байна. Харин өндөр, нам, өргөн, нарийн нь бол бий. П.Очирбат, Н.Багабанди, Н.Энхбаяр.Тэднийг харьцуулаад үз дээ. Нурууны өндөр, намын харьцааг тэднээс олж харах боломжтой. Эрхэм гишүүний гаргалгаанаас дүгнэвэл, намхан нуруутай эрхмийн ээлж есөн онд ирсэн. Сонирхолтой нь, энд мөнөөх урт шар дээлний торгонд хэмнэлт хийх боломж ч харагдаж байгаа. Санхүүгийн хямралд орчихоод байна шүү дээ, бид.

Read More

Д.Цэвээндорж: Монголоос олдсон МӨСӨН МУМИ бол дэлхийд хосгүй үзмэр

Америкийн “Discover” сэтгүүлээс Дэлхийн археологийн 10 том нээлтийн нэгээр Монголын Алтай таван богдоос олдсон Мөсөн мумиг нэрлэсэн. Энэхүү олдворын талаар Шинжлэх ухааны академийн Археологийн хүрээлэнгийн захирал Д.Цэвээндоржтой ярилцлаа.
-Алтай таван богдод хийсэн археологийн малтлагын үеэр Монгол, Германы эрдэмтэд Мөсөн муми олж шуугиан дэгдээсэн. Цэвдгийн булшны малтлагыг хэдийнээс хийж эхлэв?


-Шинжлэх ухааны академийн ерөнхийлөгч Б.Чадраа гуай 2000 онд ОХУ-ын Новосибирск хотноо очиж, Оросын Алтай цэвдэгт малтсан булшийг үзсэн юм. Ингээд л энэ Монголд Мөсөн муми хайх ажлын эхлэл тавигдсан. Цэвдгийн булш нь бусад булшийг бодвол эмзэг, их мэдээллийн шинж чанартай байдаг.
Тиймээс туршлагатай, техник, тоног төхөөрөмж сайтай лабораторийнхонтой хамтрахгүй бол болохгүй байлаа.
Ингээд Оросын археологичид, Герман улсын экспедицийнхэнтэй хамтран 2004 онд булш бүхий 22 газрыг тогтоосон.
Мэдээж хэрэг, энэ бүхэнд хөрөнгө мөнгө чухал шүү дээ. Дээр нь булш буй газраа тогтоосон ч цэвдэг байна уу, үгүй гэдгийг нягтлуулахаар 2005 онд ОХУ-ын Шинжлэх ухааны академийн Сибирийн салбарын Новосибирск дахь Геологийн хүрээлэнгийн эрдэмтдийг урьж, геофизикийн судалгаа хийлгэсэн юм.
Судалгааны явцад тав, зургаан газар нь цэвдэгтэй гэсэн дүгнэлт гарсан. Археологийн малтлагын явцад Монголын талаас хоёр археологич нэгдээд 2006 онд ажлаа эхэллээ. Хоёр, гурван малтлагаар гараагүй л дээ. Ер нь хоёр булш малтах гэрээтэй байсан ч цааш нь үргэлжлүүлсэн.
Ингээд хоёр морины оршуулга, бамбай бүхий доод тал нь огт хөндөгдөөгүй нэгэн булш олсон юм. Энэ дотор Мөсөн муми байсан даа. Бүгдийг маш нарийн малтаж, цэвэрлээд авчрахад газраар зөөхөөс эхлээд хүндрэлтэй асуудал байсан ч бүрэн бүтнээр нь авчирсан.

-Булшнаас гадна эдлэл, хэрэглэл олон гарсан гэлээ. Хэчнээн олдвор байсан бэ?

-Булш, модон буу, дээл, хувцас гээд олон зүйл гарсан. Хамгийн гол нь түүх, соёлын олдвор болох Мөсөн мумиг нээсэн нь сайн хэрэг болсон. Тэгээд олдворуудаа Орос руу шинжилгээнд явуулсан. Манайхан үүнийг гадаадынханд өгчихөж байгаа мэтээр буруу ойлгодог. Гэтэл тэд олдворыг судалж, шинжлээд ямар үнэ цэнэтэй болохыг нь хүртэл тогтоогоод өгч байгаа юм шүү дээ. Энэ жил судалгаа, шинжилгээг нь дуусгаад Орос дахь Монголын Элчин сайдын яаманд хүлээлгэж өгсөн байгаа. Энэ олдвор нь зөвхөн Мөсөн мумигаараа алдаршаад зогсоогүй, булшны хайрцгийг нь хэрэм, хурга, адууны арьсаас доторлосон байснаараа дэлхийд хосгүй үзмэрт тооцогдож байгаа юм.

-Мөсөн муми дэлхийн археологийн 10 том нээлтийн нэгээр тодроход ямар сэтгэгдэл төрж байв?

-Америкийн “Discover” сэтгүүлээс 2006 онд Дэлхийн археологийн 10 том нээлтийн нэгээр Мөсөн мумиг зарласан нь бахархууштай хэрэг. Яагаад гэхээр энэ сэтгүүл барагтай юмыг зарладаггүй нь нэг талаараа бидэнд түүх, соёлоороо бахархах сэтгэлийг төрүүлж байна л даа.

-Булшийг Мөсөн муми гэж нэрлэж байгаа. Тэгэхээр энэ булш бүхлээрээ месөөр хучигдсан байсан гэсэн үг үү. Хэзээнээс олон түмэнд үзүүлж эхлэх вэ?

-Булш маань мөсөн цэвдэгт байсан л даа. Гэхдээ онцлог нь бүх юм нь мөс хүрээгүй яг австай хэсэг нь мөстэй байсан. Хэрвээ битүү мөстэй байсан бол судалгаа хийхэд хүндрэлтэй байх байсан. Тэгээд энэ бүх олдвороор Германд үзэсгэлэн гаргасан. Ер нь олдвороос харж байхад дэлхийд огт бүртгэгдээгүй нум хүртэл байх жишээтэй. Мөн сум, модон сийлбэрүүд байна. Үүн дотроо аргалын эвэр, шавраар хийсэн, модоор хийсэн сав гэх зэрэг тэр үеийн холбогдолтой эмээл, хазаар, бүх юм байсан. Эдгээр эдлэлээс нь хэдий үеийн олдвор болохыг нь тогтоох боломжтой. Шинжлэх ухааны олдворыг хамаагүй эрт олонгуутаа дэвэргэж, олон нийтэд зарлаж болдоггүй. Шуугиан дэгдээхээсээ өмнө шинжилгээнд хамруулж, нарийн тогтоолгох шаардлагатай байдаг. Ингээд л дэлхийн дансанд Монголын олдвор гэдгээр нь бүртгүүлэх хэрэгтэй. Энэ булш маань одоо шинжилгээний шатандаа байгаа. Энэ оны сүүлч гэхэд лабораторийн шинжилгээний хариу эцсийн байдлаар гарна.

-Мөсөн муми тэгэхээр хэдий үеийн олдворт хамрагдаж байгаа вэ?

-Булшийг 2500 гаруй жилийн өмнө байсан гэж тогтоож байгаа. Үүнийг гаргахад шинжлэх ухааны үүднээс бол амархан болсон л доо.

-Мөсөн муми ямар нэгэн дээд язгуурын хүний шарил болов уу, эсвэл?

-Тэгэхээр Муми гэдэг нь хатаасан шарилыг хэлж байгаа юм. Энэ булшны хувьд хөлдөөсөн байгаа. Хүний хувьд, арьс, мах нь хатсанаас биш олдвор яг хэвээрээ байгаа нь гайхалтай. Мөсөн муми бол Ойрхи дорнод Иран, Иракаас нүүдэллэн ирж нутаглаж байсан овгийн төлөөлөгч хүний шарил болох нь тогтоогдсон.

Read More

Цагаан олимпийн анхны эрхийг “Алдар”-аас өвөртлөв6

Ирэх онд болох хамгийн том тэмцээн нь яах аргагүй Ванкувeр хотноо болох өвлийн олимп билээ. Манай улсаас цагаан олимпт жил бүр 4-5 тамирчин оролцдог. Тэгвэл “Алдар” хорооны тамирчин Х.Хаш-Эрдэнэ олимпийн эрхийн салхийг хагаллаа. Тэр ч бүү хэл анх удаа цанын төрөлд эрх авч байгаа Монгол тамирчнаар тодорч байгаа нь энэ ажээ.
Олон улсын цанын холбоо, “Ванкувер-2010″ цагаан олимпийн зохион байгуулах комисс монголын үндэсний олимпийн хороонд энэ тухай мэдээллийг албан ёсоор мэдэгдсэн байна.
Цанын төрөлд анх удаа эрх авсан тэрбээр 2006 оны Турины олимпт эх орноо төлөөлөн оролцож тугчаар нь ажиллаж байсан юм.


Түүнийг өвлийн олимпийн эрх авсныг нь тохиолдуулан өчигдөр монголын үндэсний олимпийн хорооны удирдлагууд хүлээн авч уулзав.
Уулзалтад Х.Хаш-Эрдэнээс гадна өвлийн спортын бусад тамирчин, дасгалжуулагчид оролцлоо.
Монголын цана, тэшүүрийн тамирчид 2010 оны Ванкуверын олимпийн эрх олгох цуврал тэмцээнүүдэд амжилттай оролцож, илүү олон эрх авахаар бэлтгэл, сургуулилтаа базааж байна.

Read More

Жекки Чан: Хятадуудыг хатуу “хянах” хэрэгтэй

Жүжигчин Ж.Чан Хайнан арал дээр болсон чуулга уулзалтад оролцогсдод хандан хэлэхдээ хятад хүмүүст “эрх чөлөө” хэрэгтэй эсэхэд эргэлзэж буйгаа хэлсэн уг уулзалтад Хятадын Ерөнхий сайд В.Зябао оролцсон байна.


Ж.Чаны “Шинжуку” нэртэй хамгийн сүүлийн киног нь Хятадад гаргахыг хориглосон тул түүнээс эх газрын Хятад дахь цензурын тухай асуусан аж. Жүжигчин эр асуултад хариулахдаа Хятадын нийгмийн тухай өөрийнхөө бодлыг ч гэсэн ярьсан байна.
“Эрх чөлөөтэй байх нь сайн муу эсэхийг би мэдэхгүй юм. Би энэ талаар үнэхээр эргэлзэж байна. Хүн хэт их эрх чөлөөтэй байхаараа яг одоо Хонконгод байгаа юм шиг байдаг. Энэ нь дэндүү эмх замбараагүй байна гэсэн үг. Тайвань ч гэсэн их замбараагүй газар” гэжээ.
Дараа тэрбээр “Би хятад хүмүүсийг барьж байх нь зөв гэсэн бодолтой болж байгаа. Биднийг хянахгүй бол бид хүссэн болгоноо л хийх болно” хэмээн тэрбээр нэмж хэлжээ.
Түүнийг ийнхүү хэлэхэд танхимд байсан хятадууд алга ташин хүлээн авсан боловч Хонконг, Тайваньд хүмүүсийн уур хилэнг дэгдээжээ. Тухайлбал, Хонконг дахь ардчиллын төлөө тэмцэгч парламентын гишүүн нэгэн “Тэрбээр хятад хүмүүсийг доромжилсон. Хятадын нийгэмд одоо хүний эрх, хуулийг дээдлэх үзлийг хамгаалах ардчилсан тогтолцоо хэрэгтэй байна” гэжээ.
Өөр нэгэн парламентын гишүүн мөн “Дэлхий даяар хүмүүс улс орноо өөрсдөө удирдаж байна. Хятадууд яагаад мөн адил байж болохгүй гэж?” хэмээн асуусан байна.
Ж.Чан Бээжингийн эрх баригчдад нэлээд нэр хүндтэй бөгөөд тэрбээр Бээжингийн олимпийн нээлт, хаалтанд оролцсон юм. Мөн тэрбээр “Хятадын киночдын холбоо” хэмээх бизнесийн байгууллагын орлогч даргын алба хашдаг юм. Гэвч тэрбээр хятадад үйлдвэрлэсэн барааны чанарыг шүүмжилснээрээ тэнд цуглагсдын дунд нэр хүндээ сэвтүүлээд авчээ. Тэрбээр “би зурагт худалдаж авах юм бол ямар ч байсан япон зурагт авна. Хятадыг авах юм бол дэлбэрч мэднэ” хэмээн ярьжээ.

Read More

Их аваргууд Д. Хишигт хүүд тусламжийн гараа сунгалаа

Зургийн тайлбар: Баруун талаас, Их аварга Асашёорюу (Д. Дагвадорж), Хишигт хүү, “Олны үйлс” ТББ-ын Д. Бүрэнжаргал, Токиод амьдардаг Д. Баярсайхан хурц хэлбэрийн цусны хорт хавдар хэмээх хүнд аюултай өвчин тусаад одоо Япон улсын Нагано мужид эмчилгээ хийлгэж эхлээд байгаа Д. Хишигт хүүгийн тухай мэдэллийг та бүхэн сонин болон бусад мэдэллийн хэрэгсэл, интернет сайтуудаас олж уншсан байхаа. Эмчилгээний зардалд хэрэгцээтэй мөнгөний хэмжээ нь ойролцоогоор 200 мянган доллар бөгөөд, хүү, хүүгийн аав ээж нь эмчилгээний зардлыг бүрдүүлэх зорилготойгоор хандивын аян зохион байгуулж байна.

Read More

Спортын мэдээ

Спорт холбоод өнөөдөр өрсөлдөнө

“Мөнгөн цагариг” клубээс зохион байгуулах Монголын спорт холбоодын сагсан бөмбөгийн аварга шалгаруулах анхдугаар тэмцээн өнөөдөр эхэлнэ. Угтэмцээн гурван өдөр үргэлжилж аваргаа тодруулах юм, Спортын шилдгүүд хуран цуглах энэ тэмцээнд 40 орчим баг оролцохоор мэдэгджээ.
Гавьяат тамирчин О.Пүрэвбаатар, Б.Наранбаатар тэргүүтэй чөлөөт бөхийн холбоо, олимпийн аварга Э.Бадар-Ууган, мөнгөн медальт П.Сэрдамба, ОУХМ З.Энхзориг нарын тэргүүтэй олимпийн боксын холбооны тамирчид гээд өмнөх сагсан бөмбөгийн шоу тэмцээнүүдэд амжилттай оролцож байсан олон баг энэ удаагийн тэмцээнд өрсөлдөх юм.
Мөн далай аварга Г.Өсөхбаяр, аварга Д.Сумъяабазар, улсын арслан До.Ганхуяг гээд өндөр чацтай тоглогчид энэ удаа МҮБХ-ны нэрийн өмнөөс оролцох аж.

Боксчид азийн аваргад оролцоно

Монголын чөлөөт бөхийн тамирчид ирэх сард ази тивийн аварга шалгаруулах тэмцээнд өрсөлдөх бол боксчдыг ч мөн хоёр сарын дараа болох тивийн аварга шалгаруулах тэмцээн хүлээж байна. Монголын олимпийн боксын холбооны тамирчдын өрсөлдөх тивийн аварга шалгаруулах тэмцээн БНХАУ-д ирэх зургадугаар сард болох бөгөөд манай шигшээ баг 11 хүний бүрэлдэхүүнтэй оролцохоор бэлтгэлээ базааж байна.

Дашрамд сонирхуулахад, Монголын олимпийн боксын холбооны Удирдах зөвлөлийн хурал энэ сарын эхээр болж, уг хурлаар үндэсний шигшээ багт хамруулах тамирчдын талаар санал солилцсон бөгөөд энэ сарын 20-нд дуусах үндэсний шигшээ багийн сонгон шалгаруулалтад боксын төрлөөс 34 тамирчныг нэр дэвшүүлэхээр болжээ.

Мөн тус холбооны хэд хэдэн дасгалжуулагч шигшээ багийн сонгон шалгаруулалтад нэрээ дэвшүүлсэн бөгөөд Биеийн тамир спортын газрын зөвлөлийн хурлаар тус төрлийн ерөнхий дасгалжуулагчийг сонгон шалгаруулах юм.

Б.Мөнгөнтуул улсын аваргад зүтгэлээ

Монголын эмэгтэй шатарчдаас анх удаа их мастер цол хүртсэн Б.Мөнгөнтуул эх орондоо ирлээ. Тэрбээр саяхан болсон Москва хотын аварга шалгаруулах эрэгтэй шатарчдын хагас шигшээ тоглолтод хүч сорьж дэд аварга болсон юм. Улмаар үргэлжлүүлэн шигшээ тэмцээнд тоглох эрхтэй байсан хэдий ч эх орныхоо
улсын аварга шалгаруулах тэмцээнийг сонгосон аж.

Read More

Сүмочид уламжлалт ёслолдоо оролцов

Японы хойд эргийн хотуудаар үзүүлэх барилдаан хийж яваа сүмочид өнгөрөгч баасан гарагт Токио хотын нутаг дэвсгэрт байдаг Ясүкүни сүмд жил тутам болдог бурхандаа шүтэн биширч хүндэтгэх ёслолд сүмочид оролцов. Сакүрагийн унаж буй дэлбээн дор тэр эгшин зуурын сайхан мөчийг бишрэгч 10200 хүн үндэснийхээ бөхийн баатруудыг угтжээ. Эх орныхоо төлөө амиа зориулсан нэр нь тодроогүй баатруудад босгосон Ясүкүни Жинжо сүм нь дэргэдээ үргэлж нээлттэй сүмогийн дэвжээтэй дэлхийд цорын ганц сүм юм. Сүмо бөхийн анхны барилдаан нь тэр сүм нээгдсэн 1869 онд тэнд болж байжээ.


Сүмогийн Когүгикан ордон гал түймэрт нэрвэгдсэн 1919-1920 онуудад уг сүмийн дэвжээ дөрвөн башёг явуулж байжээ. Дашрамд сонирхуулахад өнгөрсөн сарын башёд дөрөв унасан Асаёшорюү их аварга аки башё хүртэл эх орондоо ирэхгүй ажээ.

Read More

Нэг жилд 71 шинэ дээд амжилт тогтоосон түүх Монголд байхгүй

Үүсэл хөгжил нь тэртээ 80 жилийн өмнө ч нэг л хурдацтай бус байгаа спортын нэг төрөл нь тэшүүр билээ. Анх 1964 оны Инсбургийн олимпт оролцсон тэр цагаас эхлэн дэлхий дахинд Монголын өвлийн спортын тамирчид танигдаж эхэлсэн гэхэд болно. Харин сүүлийн 10-аад жил нэг л зогсонги байдалд байгаа тус спортын холбооны ерөнхий нарийн бичгийн дарга Ч.Дагвадоржтой уулзаж яриа өрнүүлсэн юм.-Тэшүүрчид маань саяхан ойрд гаргаагүй амжилтаа гаргалаа. Энэ талаар яриагаа эхлэх үү?
-Сүүлийн хоёр жилийн өмнөх өвлийн улирал бидэнд маш их ээлтэй байсан гэхэд болно. Ирэх онд болох өвлийн олимпийн наадмын өмнө ийм амжилт гаргаж байгаа нь бидэнд том амжилт юм. Зөвхөн насанд хүрэгчид гэхэд л улсын дээд амжилтыг 34 удаа шинэчлэн тогтоолоо шүү дээ. Цаашлаад залуучууд, өсвөрийн тамирчдынхаа шинэ амжилтыг оруулаад нэг жилд 71 шинэ дээд амжилт тогтоосон түүх манай улсын тэшүүрийн спортод байхгүй. Ингэж бодохоор өөрийн эрхгүй бахархаж байна. Мэдээж энэ амжилт нь олон хүний хөлс хүч хөдөлмөрийг шингээсэн.


-Саяхан манай улсаас хоёр тамирчин Канадруу тэмцээнд явсан. Энэ нь ямар учиртай тэмцээн байсан юм бэ?
-Канадын Калгарин хотод болсон цомын тэмцээн юм. Дэлхийд маш нэртэй хүндтэй том тэмцээн. Манай улсаас хоёр тамирчин дасгалжуулагчийн хамтаар оролцоод ирлээ. Дэлхийн 18 орны шилдэг 300-гаад тамирчид оролцсон. Дэлхийд алдартай хурдан мөсөн зам дээр болсон учир онцлог байлаа. Шилдэг тэшүүрчид бүгд л энд ирж уралдах дуртай байдаг. Учир нь тэд өөрсдийн болон улсынхаа дээд амжилтыг шинэчлэн тогтоож чаддаг юм. Манай тамирчдын төрөлд 100 гаруй тамирчид оролцсон. Манай тамирчдын 1500, 5000 метрийн зайд уралдсан амжилт дэлхий нийтийн анхаарлыг их татлаа. Учир нь манай тамирчдын тогтоосон амжилт дэлхийн дундаж түвшинд бичигдэхүйц байсан.

-Дэлхийн шилдэг тэшүүрчдийн дундаж амжилт ямар байдаг бол?
-Дундаж амжилт гаргахад мөснөөс их шалтгаалдаг. Заримд нь мөс амжилт гаргахад ээлтэй байхад, нөгөөд нь амжилтыг татаж байх жишээтэй. Гэхдээ тамирчин хүн аль алинд нь дасан зохицсон байх ёстой. Манай тамирчид 15- 22 дугаар байрыг эзэлж байлаа. Энэ бол дундаж амжилт. Нөгөө талаар 1500 метрийн зайд гаргасан нэг минут 53 секундын амжилт нь дэлхийн хэмжээнд өрсөлдөхүйц гэдгийг тодорхойлж байгаа юм.

-Амжилт гаргахад мөс их чухал нөлөөтэй гэлээ. Түрүүн таны ярьсан мөсний хурдан, удааныг яаж хэмждэг юм бэ?
-Үүнийг хэмждэг тусгай багаж байдаг. Гэхдээ манай улсад энэ нь хараахан байхгүй. Гэхдээ энэ бүхэн нь усны найрлага, мөсний бүтэц гээд олон талын нарийн ажиллагаатай л даа.

-Тэшүүрийн спорт манай улсад хэдийнээс хөгжиж эхлэв?
-Хөгжил гэсэн утгыг нь авч үзвэл энэ жил тэшүүрийн спорт үүсч хөгжсөний 80 жилийн ой тохиож байгаа. Мөн манай холбоо байгуулагдсаны 50 жилийн ой ч давхар тохиож байна. Уг нь тэшүүрийн спорт манай оронд их олон жилийн өмнө үүссэн гэж үздэг.

-Тэшүүрийн спорт уналтанд орсон шалтгаан нь юу вэ?
-Энэ спортын анхны амжилт нь 1964 оны Инсбургийн олимп. Өвлийн спортоор анх удаа оролцож байсан хэрэг л дээ. Тухайн үед гавьяат тамирчин н.Цэнд гуай анх Монгол Улсын төрийн далбааг олимпийн тэнгэрт мандуулж байсан түүхтэй. Тэр үед манай улсад хамгийн эрчимтэй хөгжиж байсан спортын төрөл бол тэшүүр байгаа юм. Харин 1990 он гарснаас хойш бүхий л спортын төрөл зогсонги байдалд орлоо. Мэдээж үүнд хөрөнгө санхүүгаас эхлүүлээд асуудал байсан. Харин үүнээс 15 жилийн дараа улсын шигшээ багийг дахин байгуулсан нь тэшүүрийн спорт хөгжих шинэ эрин үе эхэлж байна гэхэд болно.

-Засгийн газраас өвлийн спортод зарцуулах гэж хэчнээн төгрөг төсөвлөдөг юм бэ. Хир анхаарал хандуулж байна?
-Төлөвлөгөөгөө боловсруулахдаа тэмцээн уралдааныхаа байдлыг хардаг. Өнгөрсөн жилийн хувьд Бээжингийн олимпийн дараа хөрөнгө мөнгөний асуудал уналтад орсон байх. Гэхдээ бидний төлөвлөсөн ажил огт саатаагүй. Харин 2010 оны олимп болоход аравхан сарын хугацаа үлдлээ. Тиймээс бид улсын шигшээ багийн албаар дамжуулаад төсөв хөрөнгөө батлуулах гээд оруулсан манайхныг бодвол мөсөн дээр гулгасан хугацаа км нь арай их байдаг. Ер нь манай тамирчдад амжилт гаргах эх үндэс бий.

-Ванкуверийн олимпийн наадамд ямар зорилготой оролцох гэж байна?
-Нэн түрүүнд тавьж байгаа зорилго нь олимпийн наадамд оролцох эрхээ авах явдал юм. Сүүлийн гурван ч олимпт манай тэшүүрчид оролцож чадсангүй. Харин энэ удаад оролцох боломж бүрэн байгаа. Нагонагийн олимпоос эхлэн гүйлтийн тэшүүрт норматив тогтоосон. Харин энэ нормативд манай тамирчид хүрч чадахгүй байсан учир олимпийг алгасч байлаа. Тэгвэл энэ жил бид нормативээ 100 хувь давуулан биелүүлсэн. Харин одоо зөвхөн эрх авах л үлдэж байх шив. Олимпт оролцох итгэл дүүрэн байна. Удахгүй шинэ норматив ирнэ. Мэдээж өнгөрсөн жилээс бага зэрэг нэмэгдэх ч бидний хувьд хангах бололцоотой. Хоёр дахь асуудал нь эрх авч чадвал олимпийн наадамд ямар түвшинд оролцох вэ гэдгээ тодорхойлно. Болж өгвөл дундаж оролцох боломжийг хайна.

-Өвлийн олимпийн эрх олгох хэчнээн тэмцээн манай тамирчдыг хүлээж байгаа вэ?
-Тэшүүр, Шорт трейкийн тус бүр байгаа.

-2010 оны олимпт оролцохын тулд зуны урин дулаан цагт бэлтгэл хийх гээд байх шиг байна. Энэ нь нэлээд хүндрэлтэй асуудал байх. Бэлтгэлийг ер нь яаж явуулдаг юм бэ?
-Хэдийгээр өвлийн спорт гэгдэж байгаа ч гэсэн одоо бол дэлхийн бүх улс оронд дөрвөн улирал дамнаад л тэмцээн уралдаан явагдаж байгаа. Бэлтгэл сургуулилт ч мөн адил. Учир нь тэд зориулалтын битүү дээвэртэй стандарт мөсөн замтай цэнгэлдэх хүрээлэнг олноор барьж байна. Харин манай улсын хувьд энэ нь хараахан боломжгүй учраас ихэвчлэн хүчний бэлтгэл хийдэг. Яахав хөрөнгө санхүүгийн боломж гарвал урд, хойд хөршдөө очиж хамтарсан бэлтгэл хийж болох л юм. Гадаадын тамирчид зургаан тэмцээн байгаа. Шорт трейк нь оноо цуглуулж оролцох боломжтой байдаг. Харин тэшүүр нь нормативаа биелүүлж чадвал оролцох эрхээ халаасладаг. Тиймээс бид тэшүүртээ гол анхаарлаа хандуулж байна. Ер нь манай хүүхдүүдийн амжилт эрс өөр байгаа. Урам зориг ч дүүрэн байна.

-Энэ спортоор хичээллэгсдийн тоо бусадтай харьцуулбал хэр их байдаг бол?
-Сүүлийн үед эрс өсч байгаа. Өсвөрийн улсын аваргад гэхэд л 130 гаруй хүүхэд оролцсон. Ялангуяа хөдөө, орон нутгийн тамирчид тэшүүрийн спортыг илүүтэй сонирхож, үр шимийг нь хүртэж байна. Тэшүүрийн спортод амжилт гаргаад, сэтгэл зүрхээ өгч байгаа залуу тамирчдаа манай холбооны зүгээс боломжийнхоо хэрээр харж үзэхээр ярилцаж байгаа.

Read More

Рафиль Надаль, Серина Уйлиамс нар тэргүүлсэн хэвээр

Мэргэжлийн талбайн теннисний чансааг тэргүүлэгчид нь тэргүүлсэн хэвээрээ байна. Рожер Федеррээс аврагын цолыг нь булаасан Рафиль Надаль эрчүүдийн чансааг тэргүүлсэн хэвээр байна. Харин эмэгтэйчүүдийг АНУ-ын Серина Уйлиамс тэргүүлж байгаа юм. Ингээд та бүхэндээ Дэлхийн чансааг танилцуулж байна.

Эрэгтэйчүүд :
1. Рафаэль Надаль -14470 оноо
2. Рожер Федерер -11020 оноо
3. Новак Жокович-9010 оноо
4. Энди Мюррэй-8840 оноо
5. Мартин дель Потро-4790 оноо
6. Энди Роддик-4340 оноо
7. Жиль Симон-4010
8. Фернандо Вердаско-3760 оноо
9. Николай Давйденко-3735 оноо
10. Гаэл Монфис-3600 оноо

Эмэгтэйчүүд :
1. Серена Уильямс-9132 оноо
2. Динара Сафина-8951 оноо
3. Елена Дементьева-7561 оноо
4. Елена Янкович-7290 оноо
5. Венус Уйльямс-7042 оноо
6. Вера Звонарева- 6720 оноо
7. Ана Иванович-5174 оноо
8. Виктория Азаренко-4670 оноо
9. Светлана Кузнецова-4308 оноо
10. Надежда Петрова-3840 оноо

Read More

Сонирхолтой видео №1

Та бүхэндээ хэдэн FUNNY VIDEO сонирхуулья

Read More

Н.Энхбаяр, Ц.Элбэгдорж нар Ерөнхийлөгчид нэр дэвшиж байна.

Та бидний Төрийн тэргүүнээ 4 жилд нэг удаа сонгодог үйл явц удахгүй хаяаанд ирэх гэж байна. Хэн сонгогдох бол хэн нь бидний төлөө ихийг хийж чадах вэ гээд олон асуултын хариулт удахгүй бидэнд тохионо.

Та бүхэнийг хэн болоосой гэж хүсэж байна даа...Энхбаяр уу???Элбэгээ юу???Хэн нь чадах болоо...Элбэгээ гаргахын тулд Бусад намууд нэгдэж байгаа сурагтай. Ерөөсөө МАХН эсрэг Бусад нам гэсэн хувилбар байгаа юм байналээ шдээ тэ.Хатуухан л өрсөлдөөн болох шинжтэй гэхдээ Элбэгээ байсанаас Энхбаяр байсан нь дээр гэж би лав хувьдаа бодож байна.

ТА бүхэн санал асуулгад оролцоорой.

Read More