Монгол улс орчин үетэй хөл нийлүүлэн алхаж байна л гэнэ, тэр нь яг хаана байгаан бэ? Бид өвгөд дээдсийн минь ярьж, бичиж дадсан энэхүү сайхан "монгол хэл" маань одоо түүх болон үлдэж дээ. Монгол хэлээрээ зөв ярьж, зөв бичиж, монгол гэсэн энэхэн омогшилыг яагаад бид хайрлахгүй байгаан. Би цаг үргэлж боддог "Би монгол, бид монгол шүү дээ" гэж. Бидний МОНГОЛ гэсэн омогшил хаана байгаан бэ...Монгол хэл гэж хэлж ярихад надад хамгийн түрүүнд Их зохиолч Бямбын Ринченгийн гуайн "Чиний чимэг болсон аялгуу сайхан монгол хэл ..." гэж сэтгэлд бууж ирдэг. Ингээд та бүхэндээ:
Бямбын Ринчен "Монгол хэл" шүлэг
Чиний чимэг болсон аялгуу сайхан монгол хэл
Чин зоригт өвгөд дээдсийн минь өв их эрдэнэ
Сонсох бүр яруу баялгийг гайхан баясч
Сод их билэгт түмэн юүгээн бишрэн магтаму би
Урьдын бэрх цагт улс монголын хэт заяаг
Уйтгарлан бодоход урам зоригийг минь сэргээсэн
Өөдлөн дэвжихийн төгс хувьтайд нь итгүүлсэн
Өрнөн мандахын шинж бүрдсэн өвгөдийн минь хэл
Мөрөн гол цутгалант ширгэшгүй их далай мэт
Мөнхөд үр ач нарын залгамжаар бадранхан дэлгэрч
Хөндий цээжинд орогч бүгдийг нэвтрүүлэх чадалт
Хөгжим мэт яруу баясгалант монгол хэл минь
Өсөх наснаас өтлөх нам хүртэл чам юугаан судлан
Өдөр бүр үсгийн эрдмийг чинь баярлан түүнэм
Түмэн түмэн үеийн оюун билгийн сангийн үүдийг чинь
Түлхэх бүр сэлгэл сэргэн, магнайн үрчлээ тэнийнэм
Түгшүүрт бэрхийг даван туулан баатар түмний минь
Түвшнээ соёл эрдэнэ юүгээн мандуулахын гэгээн улирал нээгдсэнд
Сэлбэлгүй сэцэн оюутан, хэл юүгээн энхрийлэн хөгжүүлье хэмээн
Сэтгэл урсам бадран бахадмуу, үсэн буурал өтгөс би
Хутаг өлзий бүрэлдсэн хувь их заяат түмний минь
Хурц авъяаст хөвгүүд дүү нар, халуун элгэтэн хотлоор
Эгшиг сайхан монгол хэл юүгээн нэн хайрлан дээдэлж
Энхрийлэн бадруулахын бат зориг төгс юутай сайхан
Чиний чимэг болсон аялгуу сайхан монгол хэл
Чин зоригт өвгөд дээдсийн минь өв их эрдэнэ
Сонсох бүр яруу баялгийг гайхан баясч
Сод их билэгт түмэн юүгээн бишрэн магтаму би
0 Сэтгэгдэл:
Post a Comment