Хуучинсаг хэв загвар : Хуульч, банкир, төрийн албан хаагчдын хувьд хэзээ ч хуучирдаггүй загвар. Гэхдээ эдгээр салбарын эрчүүдийн хувьд цамцаа сонгодог загварын костюмныхаа өнгөтэй хослуулан өмсөх хэрэгтэй: мөн сайн чанарын механик цаг, хуримын бөгжөөс өөр элдэв дээдийн зүйл зүүх хэрэггүй: харин эмэгтэйчүүдийн хувьд нүүрэндээ маш хөнгө будалт хийж, сонгодог хэлбэрийн чимэг зүүлт сонгоно. үүнээс гадна намхан юм уу дунд зэргийн өсгийтэй гутал, өвдөгний орчим урттай банзал зэрэг нь таны ажил хэрэгч дүр төрхийг төгс харагдуулна.
Харилцааны хэв загвар : Энэ хэв загварын хувцас нь олон хүнтэй харилцдаг худалдааны салбарынхан болон хэвлэл мэдээллийнхэнд илүү тохиромжтой. Уг загварт аль болох үнэтэй, тансаг материалаар хийсэн сонгодог загварын костюм, гоёмсог цамц, хантааз багтдаг. Харилцааны хэв загварт цамц болон костюмны өнгө заавал хослох албагүй, чөлөөтэй байж болдог ба зарим тохиолдолд жинсэн өмдөн дээр пиджак өмссөн ч болно. Харин эмэгтэйчүүдийн хувьд тансаг хийцтэй өмд костюм өмсч хөнгө будалт хийх хэрэгтэй.
Уран бүтээлч загвар : Энэ загвар нь загварын ертөнцийхөн, дизайнерууд, рекламны ажилтнууд, гоо сайхан, шоу бизнесийнхэнд илүү зохиомжтой. Үүнд хачин чамин хийцтэй ноосон цамц, хантааз багтаах бөгөөд эрчүүд заавал зангиа зүүх шаардлагагүй гэж үздэг. Эмэгтэйчүүдийн хувьд нүүр будалтаа хүссэнээрээ сонгож болно.
0 Сэтгэгдэл:
Post a Comment