This is default featured slide 1 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 2 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 3 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 4 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 5 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

Saturday, May 30, 2009

Lakers West Conference-ийн аврага боллоо.



Лос Анжелес Лакерс Өрнөд Конференцийн аврага боллоо.


Энэ өдөр Дэнверийн талбай дээр 6 дахь тоглолт болсон бөгөөд Дэнверчүүдийн хувьд хожигдох эрхгүй байлаа. Харин тэд талбай дээрээ 4 дэх хожигдлоо авснаар энэ удаагийн НБА-ийн Плей Офф-ыг дуусгалаа. Харин Лакерсчүүд Орландо-Клевлэнд хоёрын аль хожсонтой аврагын төлөө тоглохоор боллоо.
Энэ өдөр Лакерсээс Коби 35 оноо, 10 оновчтой дамжуулалт, 6 самбараас бөмбөг авалт, Газол 20 оноо, 12 самбар, 6 оновчтой дамжуулалт, Одом 20 оноо, 8 самбараас бөмбөг авалт гүйцэтгэж багийнхнаа тэргүүлжээ.

Харин Дэнверээс Мэло 25 оноо, Ж.Р.Смит 24 оноо, Биллапс 10 оноо, 9 оновчтой дамжуулалт гүйцэтгэжээ.

Friday, May 29, 2009

ЭМШУИС-ийн Нийт төгсөгчиддөө баярын мэнд хүргэе!


ЭМШУИС-ийн Нийт төгсөгчиддөө. Эмчийн тангарагын баярын мэнд хүргэе!

Эмч би эмчийн ёс төрийн хуулийг чандлан сахиж
Эрдэнэт хүний амь нас, эрүүл мэндийн төлөө
Энэрэнгүй сэтгэлээ харамгүй зориулахаа тангарагалья тангаргалья тангарагалья

Thursday, May 28, 2009

Б.Явуухулан "Тэхийн зогсоол"


(Миний хайрт эцэг, нэрт анчин агсан Бэгз таны гэгээн дурсгалд зориулав.)

Wallpaper татаарай залуусаа

Төрөл бүрийн Icon татаад байгаарай залуусаа



Татах линк

http://share.gogo.mn/37824391243540556

http://share.gogo.mn/43435741243540814

http://share.gogo.mn/44202041243540607

Барселона "Champion League"-ийн аврага



Барселона "Champion League"-ийн аврага

Өнгөрсөн 2009 оны 05-р сарын 27-28 шилжих шөнө. Аваргуудын лигийн аврагын төлөө тоглолт Английн Манчестэр Юнайтед vs Испанийн Барселона багуудын хооронд боллоо. Энэ өдөр Англичууд давуу байдлыг үүсгэж ялна гэсэн таамаглал олон байсан ч тэд энэ удаад даалгавараа муу биелүүлж Испанчуудад 2 : 0 хожигдлоо.
Тоглолтын гоолыг С,Это 11 минут, Месси 70 минутад оруулж тоглолтонд ялалт байгуулж чадлаа.МЮ лидер Роналду нэгдүгээр үед хүчтэй тоглолт үзүүлж байсан бол хоёрдугаар үед эрс муудсан байна. Харин Барсачууд хариуд нь үнэхээр шилдэг тоглолт үзүүлж чадлаа.

Барсагийн хувьд Челсиг хожиж гарч ирсэн нь том аз байсан гэхэд болно.

Тоглолтын статистик :
Бөмбөг эзэмшилт
Барселона - 51%
МЮ-49%

Алдаа
Барселона - 7 удаа
МЮ - 10 удаа

Цохилт
Барселона - 11 удаа
МЮ - 10 удаа

Хаалга чиглэсэн цохилт
Барселона - 8 удаа
МЮ - 2 удаа

Аваргуудын Лигийн мэргэн буучид :
9 гоол Месси (Барселона)
8 гоол Клозе (Бавари), Жеррард (Ливерпүль)
6 гоол Лисандро Лопес (Порту)
5 гоол Анри (Барселона), Бензема (Лион), Дрогба (Челси), Адебайор (Арсенал), Дель Пьеро(Ювэнтус)

Импортын хүнсний бүтээгдэхүүн гомдол дагуулсаар

Сүүлийн үед Нийслэлийн мэргэжлийн хяналтын газарт хэрэглэгчдээс хуурамч шоколад, муудсан өргөст хэмх, даршилсан мах, стандартын бус архи, ээддэг сүү, хүүхдийн тэжээл “Меласан-2″, алимны нухшийг хэрэглэсний дараа хүүхдийн гэдэс хямарч, гүйлгэх зовиур илэрч буй зэрэг чанарын шаардлага хангахгүй бүтээгдэхүүний талаар гомдол их ирж байгаа аж. Тэрчлэн Чингэлтэй дүүрэг дэх худалдаа, үйлчилгээний газруудын хоол, хүнстэй холбоотой гомдол мэдээлэл нэлээд ирсэн байна.

Хүний наймаачдыг өнөөдөр шүүнэ



Монгол, хятад эмэгтэйчүүд хүний наймаалахаар үгсэн тохирсон хэргийг Чингэлтэй дүүргийн цагдаагийн хэлтсийнхэн өнгөрсөн онд илрүүлсэн. Өнгөрсөн оны аравдугаар сард Монголын иргэн Т.Алтанзал гэгч 19 настай эмэгтэй Хятадын иргэн Бо Чун Янтэй хамсан охидыг хил давуулан наймаалахыг завдсан билээ.

Гар утаснаасаа мессенжерт /Линк засагдсан/


Yahoo messenger mobile- ийг ашиглан та гар утсан дээрээ Yahoo messenger ашиглах боломжтой боллоо. Ингэснээр таньд маш олон давуу талууд бий болох бөгөөд хамгийн чухал нь та бараг л нэгж үрэхгүйгээр бусадтайгаа мессенжер бичилцэж болох юм. Java дэмждэг бүх утсанд ажиллана.Хамгийн чухал нь та WAP-т бүртгүүлхээ мартваа./www.wap.mobicom.mn/

Yamee: нь ганцхан Yahoo мессенжер шалгах боломжтой программ бөгөөд BUZZ!!!, smile, status, conference гэх мэт зүйлүүдийг өөрөө багтаасан байдаг. Энэ нь танд яг л Yahoo мессенжерт орсон юм шиг сэтгэгдэл төрүүлнэ. Yamee мессенжер татаж авах үнэгүй сайтууд интернэт маш олон байдаг.

Хэрвээ та татаж авахыг хүсвэл энэ Yamee 1.3 програмыг татаж болно. Дараа нь гар утас руугаа хуулна. Ихэвчлэн Nokia маркийн утсанд шууд суух боломжтой. Мөн дээрх линкээр ороод ямар, ямар утсанд ашиглаж болох талаар мэдээлэл аваарай. Хэрэв та internet тохиргоогоо хийж амжаагүй бол дараах заавраар хийгээрэй.

Internet тохиргоо гэдэг нь :

Nokia : Menu ->Settings ->Configuration setting ->personal settings ->Add new ->access point name -д нь internet гэж бичнэ.

Samsung: Menu ->Application ->Java world ->Option ->internet settings ->access point name - internet

Sony Ericcsson: Menu ->settings->connectivity -> internet settings ->settings for java ->connect using ->New account - apn(Access Point Name) - internet

За ингээд та бүхэн гар утсандаа мессенжер суулгаад чатлаад байгаарай.

Мөн энэхүү програм маань Skype, MSN, GoogleTalk, ICQ, SIP, Twitter, Yahoo болон AIM зэрэг мессенжерүүдэд холбогдох чадвартай ба хүсвэл бүгдэд нь зэрэг холбогдож болно.Мөн дээрээс нь Google Mail-ээр ирсэн майл ээ шалгаж, Facebook, Last.fm-ээр дуу сонсох гэх мэт нэмэлт боломжуудтай.

Та Энд дарж ороод өөрийн утасны марк төрөлөө сонгоод ямарч үнэ төлбөргүй татаж аваарай ! LG,Nokia, Sumsung, Sony Ericsson, Apple, HP, HTC, Motorola, Acer, Airis,Amoi, AnexTEK, Asus, AT Mobile, AT&T, Audiovox, Bell, BenQ,Chingular, CN3, CV30, Dell, Toshiba, Sharp, Orange, Lenovo, O2 зэрэг 70орчим брэндийн хэдэн зуугаад маркийн утсанд суух боломжтой

Wednesday, May 27, 2009

Сонирхолтой бичлэг №4






Оюутны хотхоныг тойрсон цэнгээний газруудыг хэзээ цэгцлэх вэ?


Оюутны “А”, “В”, “С” хотхоныг тойрсон 400 орчим баар цэнгээний газар, 30 саун байдаг гэдэгт та лав эргэлзэх байх.

Үнэндээ манайхан шиг оюутны хотхондоо цэнгээний газар олноор нь байгуулсан улс орон ховор биз ээ. Энэ байдал наад зах нь оюутнуудын тав тухыг алдагдуулах, цаашлаад бор дарсанд дурлах, хэрэг зөрчилд орооцолдох эх үүсвэрийг тавьж байна гэхэд нэг их хэлсдэхгүй байх. Энэ онд л гэхэд 20 гаруй оюутан архидан согтуурсны улмаас гэмт хэрэгт холбогдож, шийтгэл хүлээсэн байх юм.
Манайд боловсролын байгууллагын ойр орчинд баар цэнгээний газруудыг ажиллуулахгүй гэсэн “мөрдөгддөггүй” нэг журам бий. Үүнийг мөрдөх нь байтугай оюутныхаа байранд саун, зочид буудал ажиллуулдаг нь Монголын оюутны холбоонынхны шалгалтаар илэрсэн. Хэдэн жилийн өмнө Орхон Их сургуулийн оюутны дотуур байранд баар ажиллуулж байсан нь мэргэжлийн байгууллагуудын шалгалтаар тогтоогдож хаагдаж байсныг нь мэдэх юм. Зарим газар нь “нүглийн нүдийг гурилаар хуурав” гэгчээр хаасан ч өөр нэрээр эргээд үйл ажиллагаагаа явуулдаг байна.
Оюутны хотхонд амьдардаг оюутнуудтай уулзахад, “Оюутны хотхонд юу л байна, баар, зочид буудал саун л байна шүү дээ. Ят үнэнийг хэлэхэд орой үдэш явахад хэцүү. Согтуу хүмүүс хөлхөлдөж зарим нэгэн эмэгтэй оюутнуудыг татаж чангаах бол энүүхэнд ер нь байнга л хэрэг зөрчил гарлаа гэж дуулддаг. Шөнө дунд бол баарны хөгжим, согтуу хүмүүсийн дуу чимээ тасардаггүй. Нөгөөтэйгүүр энэ байдал нь оюутнуудыг бааранд орох нөхцлийг бүрдүүлж байна. Тэр ч бүү хэл оюутны байранд буудал хүртэл байдаг шүү дээ. Энэ бүхнийг цэгцэлмээр л байх юм. Харин хэн хариуцдаг юм бол бүү мэд” гэлээ.
Оюутны хотхоны ойр орчим тусгай зөвшөөрлийн хугацаа хэтэрсэн, цагтаа хаадаггүй, үйлчилгээний чанар хангаагүй зэрэг зөрчил мэргэжлийн байгууллагуудынхны хараанд байнга өртдөг байна. Үнэндээ манай оюутны хотхонд баар, 24 цагийн үйлчилгээтэй хүнсний дэлгүүр, кафе, саун гээд байхгүй юм алга. Хэдэн жилийн өмнө МОХ-ноос дээрх оюутны хотхонд шалгалт хийсэн ч өнөөдөр бахь байдгаараа л байна. Оюутны хотхоныг тойрсон цэнгээний газруудыг цэгцэлнэ гэдэг амьдрал дээр “зангууны үлгэр” бололтой.

Эх Үрсийн баярыг өргөн дэлгэр тэмдэглэхийг хориглолоо.



Олон улсын хүүхдийн эрх чөлөөний өдөр зургадугаар сарын 1-нд Сүхбаатарын талбай болон дүүргүүдэд тэмдэглэхээр зэхэж байсан “Хүүхэд шинэ бүхний эхлэл” баярын үйл ажиллагааг хориглолоо. Мөн тавдугаар сарын 31-ний “Автомашингүй өдөр” болон “Архи тамхигүй өдөр, эрүүл ирээдүй” өдөрлөгийг ч цуцлав.



Twitter

Twitter in Plain English

Монголчуудаа дэлхийн хөгжилөөс хоцроод яаахуу? Твиттерийг алдаршуулъя !!! гэж байхыг олж уншичаад хамтдаа алдаршуулдиймуу гээд. Ер нь твиттэрийг ашиглаад эхлэхэд блог бичдэг эрхэмүүд болон хамаатан садан анд нөхдийн харилцаа холбоо орон зай цаг хугацаанаас үл хамаарч яг л нэг гэрт бүгдээрээ амьдардаг юм шиг нэг нэгэндээ хэлэх зүйлээ хэлээд л бусад нь сонсоод л ер нь л хөгжилтэй амьдраад байж чадах байхаа :D. За тээд энэ бичлэгийг үзээрэй


Монголчуудын байлдан дагуулал


Энэ суурийг мэдээж эв нэгдэл л тавьсан шүү дээ.


Тээврийн товчоо болон сууц өмчлөгчдийн холбоод Нийслэлийн Засаг даргын хараанд оржээ

“Төмөрбаатар дарга Тээврийн товчоогоор ойрд очсон уу” гэж Нийслэлийн Засаг дарга бөгөөд Улаанбаатар хотын Захирагч Г.Мөнхбаяр Нийслэлийн удирдах ажилтны шуурхай зөвлөлгөөний үеэр гэнэт асуулаа. Сүхбаатар дүүргийн Засаг дарга “Хоёр өдрийн өмнө очсон. Эмх замбараагүй байдалтай хэвээр байна” гэж түүнийг хариулахад Засаг дарга “Би өчигдөр очлоо. Тэнд микроавтобуснуудын уралдааны цэг шиг л байх юм. Үүнийг нэг цэгцлээч.
Улаан тоос шороо босоод л... Тэр орчимд ажиллаж амьдардаг иргэдийнхээ аюулгүй байдлыг хангах ёстой. Үйлчилгээ явуулдаг хүмүүсийг орчны тохижилтдоо анхаарахыг үүрэг болго” хэмээн даалгалаа. Мөн гудамж талбайн тохижилтын хүрээнд олон нийтийн байцаагч нарыг ажиллуулах үүрэг өгсөн. Энэ ажил санасан хэмжээнд хүрэхгүй байна гэж дүүргийн Засаг дарга нарт анхаарууллаа.

Tuesday, May 26, 2009

Агаарын температур хоёр хэмээр нэмэгдвэл гамшигт хүрнэ


-Энэ зуунд дэлхийн температур 2-4 хэмээр дулаарах төлөвтэй байгаа -

Байгаль орчин, аялал жуулчлалын яам, НҮБ-ын Хөгжлийн хөтөлбөрийн Байгаль орчны засаглалыг бэхжүүлэх төсөл, Дэлхийн байгаль хамгаалах сан, Хэвлэлийн хүрээлэн, Швейцарийн хөгжлийн агентлаг, Азийн сан, Германы хамтын ажиллагааны нийгэмлэг хамтран "Байгаль орчин-Сэтгүүлч" клубыг "Сэтгүүлчид эх дэлхийгээ хамгаалъя" уриан дор ажиллуулж эхэллээ. Клубын гишүүдийн анхны сургалт "Уур амьсгалын өөрчлөлт" сэдвээр өнгөрсөн баасан гаригт боллоо. Сургалтын үеэр уур амьсгалын өөрчлөлт, хүлэмжийн хийн талаар БОАЖЯ-ны Мэдээлэл, хяналт, шинжилгээ үнэлгээний газрын дарга, доктор Д.Дагвадоржтой ярилцлаа.


-Дэлхийн уур амьсгалын өөрчлөлт тулгамдсан асуудал болжээ. Энэ нь юунаас үүдэж байна вэ?
-Дэлхийн уур амьсгалд чухал нөлөө үзүүлдэг агаар мандал дахь хүлэмжийн хий зэрэг хийнүүдийн бүтэц өөрчлөгдсөнөөр дэлхийн уур амьсгал дулаарч байна. Дулаарлыг сааруулах, зогсоохын тулд хүний үйл ажиллагааны улмаас агаарт ялгарч байгаа хүлэмжийн хийг багасгах нь чухал. Дэлхийн уур амьсгалыг хамгаалах талаар улс орнуудад тодорхой үүрэг хүлээлгэсэн олон улсын конвенц, протокол байдаг. Жишээ нь, уур амьсгалын өөрчлөлтийн тухай НҮБ-ын суурь конвенц гэж бий. Энэ нь 1994 оноос хүчин төгөлдөр болсон. Энэ конвенцид уур амьсгалын системийг хамгаалахын тулд улс орнуудын хүлээх үүргийг ерөнхийд нь заасан байдаг. Дээрх конвенцийг хэрэгжүүлэхийн тулд "Киото"-гийн протокол 1997 онд батлагдаад 2005 оноос хүчин төгөлдөр болсон. Энэ протоколын гол зорилго нь дээрх конвенцийн үзэл санааны дагуу агаар мандалд их хэмжээний хүлэмжийн хий ялгаруулдаг хөгжилтэй улс орнуудад тодорхой үүрэг хүлээлгэсэн явдал юм. Өндөр хөгжилтэй орнууд 2012 он гэхэд 1990 онд байсан хүлэмжийн хийн ялгаралтын хэмжээгээр дунджаар 5.2 хувиар бууруулах үүрэг хүлээсэн.

-"Киото"-гийн протокол хэдэн он хүртэл хүчин төгөлдөр мөрдөгдөх вэ?

-2012 он хүртэл үргэлжилнэ. Харин үүнээс цааш олон улсын хэмжээгээр мөрдөх баримт бичгийг энэ онд Дани улсад болох Уур амьсгалын өөрчлөлтийн конвенцид оролцогч улсуудын бага хурлаар хэлэлцэж батлах ёстой. Дэлхийн улс орнууд агаарт ялгаруулж байгаа хүлэмжийн хийг яаж бууруулах, хэн ямар үүрэг хүлээх, мөн техник технологи, санхүүгийн зэрэг олон асуудлыг шинэ гэрээгээр зохицуулах болно. Одоогоор хөгжиж байгаа орнууд ямар нэг үүрэг хүлээгээгүй боловч эрчимтэй хөгжиж агаарт их хэмжээний хүлэмжийн хий ялгаруулж байгаа зарим хөгжиж буй Өмнөд Солонгос, Хятад, Энэтхэг, Тайланд, Бразил, Мексик, Индонез зэрэг орон ямар үүрэг хүлээх тухай асуудал маргаантай байна.

-Монгол Улсын хүлээх үүрэг юу байгаа вэ?
-Манай улс хүлэмжийн хийг багасгах тоон үүрэг хүлээгээгүй. Гэхдээ уур амьсгалын өөрчлөлтийн конвенцид нэгдэн орсон орны хувьд дотооддоо хүлэмжийн хийн ялгаралтын хэмжээгээ бууруулах, үйлдвэрлэлийн технологио шинэчлэх, эрчим хүч, дулаан, шатахууны хэрэглээгээ багасгах зэрэг арга хэмжээ авч хэрэгжүүлэх үүрэгтэй. Эдгээр арга хэмжээг авч хэрэгжүүлэх нь манай орны эдийн засгийн хөгжлийг хангахад давхар нөлөө үзүүлэх болно. Тиймээс уур амьсгалын өөрчлөлтийн олон улсын гэрээ хэлэлцээрийн хүрээнд гадаад улс орнуудаас тусламж дэмжлэг авах эрх нээлттэй байгааг сайтар ашиглах талаар анхаарах хэрэгтэй байгаа.

-Хүлэмжийн хийг бүрдүүлдэг хэдэн төрлийн хий байдаг вэ?
-Ер нь зургаан төрлийн үндсэн хий бий. Тухайлбал, нүүрсхүчлийн болон метан, азотын давхар исэл нь хүлэмжийн хийг бүрдүүлдэг байгалийн гол хий. Гэхдээ эдгээр хий дэлхийн агаар мандалд өчүүхэн бага хэмжээгээр оршиж, дэлхий дээр амьдрал оршин тогтнох нөхцөлийг бүрдүүлж ирсэн. Хэрэв эдгээр хүлэмжийн хий агаар мандалд байхгүй байсан бол дэлхий маш хүйтэн болж амьд биет байх боломжгүй гэж эрдэмтэд үздэг. Тиймээс эдгээр хийг хортой, огт хэрэггүй гэж ойлгож болохгүй.

Асуудлын гол нь хүний үйл ажиллагааны улмаас эдгээр хийн агаарт байвал зохих хэмжээ алдагдаж, улам бүр нэмэгдсээр байгаа явдал юм. Дээрх хийнүүдээс гадна үйлдвэрлэлийн явцад агаарт хуримтлагдаж байгаа зарим хүлэмжийн хийнүүд бас бий.

-Үйлдвэрлэлийн явцад ямар хийнүүд хуримтлагддаг юм бэ?
-Барууны орнуудад 1760-аад оноос аж үйлдвэр хөгжсөнөөс хойш агаар мандалд хуримтлагдсан хий юм. Үүнд хлорфторт нэгдэл, галлоны төрлийн хий багтдаг. Эдгээр хий үйлдвэр хөгжсөнөөс хойш агаар мандалд шинээр хуримтлагдсан учраас аж үйлдвэрийн хий гэж нэрлэдэг.

-Дээрх хийнүүд ямар хугацаанд алга болох вэ?
-Эдгээр хий агаар мандалд гарсан даруйдаа усталгүй хэдэн арав, зуун жил хадгалагддаг. Нүүрсхүчлийн хий л гэхэд 200 орчим жил хадгалагдана. Өнөөдрийн дэлхийн дулаарлыг одоогоос 200 гаруй жилийн өмнөөс агаарт хуримтлагдсан хийнүүд бий болгож байна гэж ойлгож болно. Хүлэмжийн хийн ялгаралтыг бууруулах дорвитой арга хэмжээ авлаа ч үр дүн нь хэдэн арван жилийн дараа л мэдрэгдэнэ.

-Хүлэмжийн хий аль салбарт хамгийн их ялгардаг вэ?
-Хүлэмжийн хий их хэмжээгээр ялгаруулдаг таван үндсэн салбар бий. Голлох салбарт эрчим хүч, дулааны салбар ордог. Эрчим хүч үйлдвэрлэхийн тулд нүүрс маш ихээр шатааж байна. Гэтэл нүүрсний шаталтаас нүүрсхүчлийн хий ихээр ялгардаг. Мөн аж үйлдвэрийн салбар үүнээс дутуугүй хүлэмжийн хий ялгаруулна. Нүүрсний уурхайнууд, цементийн үйлдвэрлэлийн явцад хүлэмжийн хий ялгардаг.

-Малын ялгадасаас хорт хий ялгардаг гэж дуулсан?
-Хүлэмжийн хий болох метан малын амьсгал болон ялгадсаар дамжин агаарт цацагддаг. Өөрөөр хэлбэл, малын хоол боловсруулах буюу хивж байх үед амьсгалаар нь метан ялгарна. Өөр нэг салбар нь хог хаягдал. Манай улсад дахин боловсруулах үйлдвэр байхгүй учраас хөрсөнд хогийг булсаар ирсэн. Энэ нь ялзралынхаа явцад хүлэмжийн хий ялгаруулдаг. Мөн атаршсан талбайгаас карбоны төрлийн хий ялгарч агаар мандалд хуримтлагддаг.

-Хүлэмжийн хийг бууруулах арга бий юу?
-Бууруулах арга замууд байгаа. Гол нь хүний үйл ажиллагаанаас үүсэн бий болж байгаа эх үүсвэрийг багасгах хэрэгтэй. Хүлэмжийн хийн ялгаралтын 60 гаруй хувийг эрчим хүчний салбар эзэлдэг. Тиймээс эхний ээлжинд энэ салбарыг зайлшгүй шинэчлэх хэрэгтэй. Тухайлбал, нар, салхи, усны буюу сэргээгдэх эрчим хүчийг нэвтрүүлэх нь зөв. Үйлдвэр, тээвэр, хог хаягдал, хөдөө аж ахуйн газар ашиглалт зэрэг салбарт ч тодорхой үйл ажиллагаа авч явуулах шаардлагатай.

-Дэлхийн дулаарал ямар нөхцөлд аюултай хэмжээнд хүрэх вэ?
-Дэлхийн агаарын температур хоёр хэмээс дээш дулаарвал экологийн тэнцвэр алдагдаж гамшгийн хэмжээнд хүрнэ гэж үздэг. Гэтэл XX зуунд агаарын температур 0.7 хэмээр дулаарсан байна. Дэлхийн эрдэмтдийн судалгаагаар агаар мандал дахь хүлэмжийн хийгээ бууруулахгүй бол XXI зуунд дэлхийн температур 2-4 хэм хүрч дулаарах төлөвтэй байгаа. Тиймээс дэлхийн дээр экологийн гамшиг бий болгохгүйн тулд улс орнууд дэлхийн дулаарлыг хоёр хэмээс дээш гаргахгүйн төлөө хамтран ажиллах шаардлага тулгараад байна.

-Уур амьсгалын өөрчлөлт манай улсад нөлөөлж байна уу?
-Монгол орны цаг уурын 48 өртөөнд хийсэн хэмжилтийн дүнгээр дунджилсан жил, улирлын агаарын дундаж температур 1940-2007 оны хооронд 2.1 градусаар дулаарсан. Мөн өвлийн хур тунадас нэмэгдэж, зуны хур тунадас буурч байгаа нь ажиглагдсан.

-Хойд мөсөн далайн мөс хайлж эхэлсэн. Энэ нь уур амьсгалын системд нөлөөлөх үү?
-Нөлөөлнө. Дэлхийн дулаарлын улмаас Хойт туйлын мөс ихээр хайлж байна. Хойд мөсөн далайгаас гадна Алтай, Гималайн болон бусад уул нурууны мөнх цас, мөсөн голууд болон мөнх цэвдэг хайлж эхэлсэн. Туйлын мөс хайлж байгаа нь далайн усны урсгал өөрчлөгдөх аюултай. Далайн түвшин нэмэгдсэнээр эргийн ойролцоох нам дор газарт байрлах улс орнууд усан доогуур орно. Далайн түвшин нэмэгдэж байгаа нь цас мөсний хайлалттай холбоотой ч нөгөө талаараа далайн ус халсны улмаас тэлэх процесс явагдаж байна.

-Монголд хүлэмжийн хий ямар хэмжээтэй байна вэ. Үүнийг яаж тооцоолдог вэ?
-Агаар мандал хил хязгааргүй учраас хийнүүд хоорондоо холилдоод ойролцоо агуулгатай болдог. Агаар мандал дахь хүлэмжийн хий ямар агуулгатай хэмжээтэй байгааг тогтоодог. Мөн агаар мандалд ялгаруулж байгаа хүлэмжийн хийн хэмжээг ямар хэмжээний үйлдвэрлэл явуулснаар тооцож гаргадаг. Манайд агаар мандалд байдаг хүлэмжийн хийн хэмжээг тодорхойлдог ганц станцтай. Энэ нь Дорноговь аймгийн Сайншанд хотод 1992 онд байгуулагдсан. Үүнээс хойш ажиглалт хийхэд нүүрсхүчлийн болон метаны хий агаар мандалд нэмэгдсэн судалгаа бий.

-Улс орнууд нэг хүнд ногдох хүлэмжийн хийн ялгарлын хэмжээг тогтоосон бай-даг. Манай улсын хувьд?
-Нэг хүнд ногдох хүлэмжийн хийн ялгаралтын хэмжээгээр Монгол Улс цөөн хүн амтай учраас дэлхийн дунджаас дээгүүрт ордог. Сүүлийн жилүүдэд улс орнууд дэлхийн дулааралд санаа зовниж Уур амьсгалыг өөрчлөх яамтай болж байгаа. Тухайлбал, Австрали улс Уур амьсгалын өөрчлөл, эрчим хүчний яамтай бол Дани улс Уур амьсгалыг өөрчлөх яамтай.

75 км-ийн гүйлтийн аваргууд тодорлоо



“Өөрийгөө ялах” 75 км-ийн гүйлтийн анхдугаар тэмцээн Төв цэнгэлдэх хүрээлэнгийн гадна талбайд боллоо. Тэмцээнийг холын зайн гүйлтийн спортыг сурталчилж, тамирчдын бэлтгэл сургуулилтыг дээшлүүлэх, өсвөр үе залуучуудыг тэсвэр хатуужилд сургах зорилгоор Улаанбаатар хот дахь Шри Чинмойн марафоны баг зохион байгуулсан юм.
“Ажнай” клуб, “Алдар”, “Хилчин” спорт хороо зэрэг арваад байгууллагын 19-69 насны 37 тамирчин уралдсан бөгөөд Афины олимпийн марафонч ОУХМ Л.Отгонбаяр, ОУХМ В.Отгонтуул нар оролцсон нь тэмцээнийг өрсөлдөөнтэй болгожээ.
1000 метрийн тойргоор 75 км-ийн зайн уралдааны эрэгтэйчүүдийн ангилалд “Ажнай” клубын Б.Доржпалам 6.13.45 цаг гүйж ялагч болсон бол түүнээс 6.25 минутын дараа Дотоодын цэргийн 805 дугаар ангийн А.Кадырбөк, 14.10 минутын дараа “Ажнай” клубын Ц.Бямбажав нар барианд оржээ. Харин эмэгтэйчүүдийн ангилалд “Ажнай” клубын тамирчин Л.Отгонбаяр 8.17.21 цаг гүйж бусдыгаа хошуучилсан бол “Ажнай” клубын Д.Эрдэнэчимэг, Г.Хишигсайхан нар удаахь байруудад орлоо.

Их мастер Б.Мөнгөнтуул хамгийн өндөр амжилт үзүүлжээ



Филиппинд шатрын Ази тивийн аварга шалгаруулах тэмцээн болж өнгөрөв. Манай хоёр эрэгтэй, хоёр эмэгтэй шатарчин оюун ухаанаа сорьсноос их мастер М.Мөнгөнтуул 11 өргөөс долоон оноогоор долоо, ОУХМ У.Лхамсүрэн 5.5 оноогоор 24 дүгээр байрт шалгарлаа. Эрэгтэйчүүдээс өнөө жилийн улсын аварга Б.Гүндаваа зургаан оноогоор 32, Ц.Батчулуун 5.5 оноогоор 43-т орсон аж.

Б.Баабар Авилгатай тэмцэх газрын дарга болох уу?



Монгол улсын Ерөнхийлөгчийн 2009 оны сонгуульд АН-аас нэр дэвшсэн УИХ-ын гишүүн Цахиагийн Элбэгдорж ялалт байгуулсан билээ. Монгол улс хэдийгээр Ерөнхийлөгчийн засаглалтай орон биш ч гэлээ Ерөнхийлөгчийн эрх, үүрэг чамгүй их, ер нь бол Монгол бараг холимог хэлбэрийн засаглалтай гэж болохуйц орон гэж зарим судлаачид үздэг. Үнэхээр ч шүүх, прокурорыг томилох, Авлигатай тэмцэх газар, төрийн албаны зөвлөл, элчин сайдуудыг санал болгож, томилох гээд албан тушаалтай холбоотой эрх л гэхэд маш их. 

Архангайд шувууны томуугаар найман хун үхсэн нь тогтоогдлоо



Архангай аймгийн Өгийнуур сумын Дойтын нууранд долоон хун үхсэн тухай бид өнгөрсөн дугаартаа мэдээлсэн. Үхсэн шувуудыг шинжихээр аймгийн Мал эмнэлгийн алба, Онцгой байдлын хэлтэс, БГХӨТГ-ын ажлын хэсэг, УШАЦГЛ-ьн ерөнхийлөгч, халдвар судлаачид энэ сарын 22-23-нд шилжих шөнө уг газарт очжээ. Тэднийг үхээд удсан долоон хунгийн сэг, мөн өвчилсөн бололтой нэг хун нисч чадахгүй байдалтай угтсан байна. Ажлын хэсгийнхэн үхсэн шувуудын сэг, зэмийг цуглуулан булж, ариутгал, халдваргүйжилт хийж, хурдавчилсан тест тавьсан байна. Тестийн хариугаар үхсэн шувуудаас шувууны томуугийн H5N1 вирус илрээгүй бөгөөд төв лабораторид нарийвчилсан шинжилгээ хийхээр дээжийг явуулжээ.
Шинжилгээний хариу өчигдөр гарахад шувуудын зэмээс томуугийн Н5 вирус илэрсэн байна. Тиймээс уг газарт Архангай аймгийн Засаг даргын захирамж гарган хорио цээрийн хязгаарлалтын дэглэм тогтоожээ. Өгийнуур сумын Дойтын нуур руу аймгийн Онцгой байдлын хэлтсийн зургаан албан хаагч, мал эмнэлгийн тав, гоц халдвартаас нэг, Мэргэжлийн хяналтын газрын хоёр байцаагч, тагнуулын нэг ажилтны бүрэлдэхүүнтэй ажлын хэсэг томилогдоод явсан байна.

Сонгуулийн урьдчилсан дүн




Сонгуулийн Ерөнхий Хорооноос Монгол Улсын Ерөнхийлөгчийн сонгуулийн урьдчилсан байдлаар гарсан дүнг танилцууллаа.

Сонгуулийн ерөнхий хорооны удирдлагууд сэтгүүлчдэд мэдээлэл хийлээ. Монгол Улсын хэмжээнд төрийн тэргүүнийг сонгох энэ удаагийн сонгуульд 1 сая 97 мянган сонгогч саналаа өгснөөс 562459 сонгогч Ардчилсан намаас нэр дэвшсэн Ц.Элбэгдоржид, 520805 иргэн МАХН-аас нэр дэвшсэн Н.Энхбаярт тус бүр саналаа өгсөн аж.

Үүнийг хувьд шилжүүлбэл улсын дүнгээр Ц.Элбэгдорж 51.24, Н.Энхбаяр 47.44 хувийн санал аваад байна. Аймгийн дүнгээр нэр дэвшигч Ц.Элбэгдорж 48.28, Н.Энхбаяр 50.31 хувийн санал авчээ. Нийслэл Улаанбаатарт Ц.Элбэгдорж 55.9, Н.Энхбаяр 43.21 хувийн санал авсан гэсэн урьдчиласан дүн гараад байгаа юм байна.


Monday, May 25, 2009

Жэнсон Баттон ээлжит түрүүгээ авлаа.



Формула1-ийн шинэ улирлын 5 дахь түрүүгээ авлаа.

Улирлын шилдэгүүд

1. Жэнсон Баттон 51 оноо
2. Рубин Бракэйло 35 оноо
3. Субистиан Витэл 23 оноо
4. Марк Вэйбэр 19.5 оноо
5. Ионид Трули 13.5 оноо
6. Тима Глок 12 оноо
7. Фернандо Алонсо 11 оноо
8. Кими Райкконин 9 оноо
9. Луис Хамилтон 9 оноо
10. Фелифи МАсса 8 оноо
11. Нико Росберг 7.5 оноо

Бүтээлийн цом

01. Brawn-Mercedes 86
02 RBR-Renault 42.5
03 Toyota 26.5
04 Ferrari 17
05 McLaren-Mercedes 13
06 Renault 11
07 Williams-Toyota 7.5
08 BMW Sauber 6
09 STR-Ferrari 5


Харумафүжи Бямбадорж анхны түрүүгээ авлаа.



ХАРҮМАФҮЖИ Кохей (Исэгахама) Бямбадорж 14-1 түрүүллээ.

Даваанямын Бямбадорж анх удаагаа түрүүллээ. Жонокүчи, Санданмэ, Жюүрёод тус бүр нэг удаа түрүүлж байсан байна. Харумафүжи Техниктэй бөхийн шагналыг 5 удаа, Гарамгай барилдааны шагналыг 4 удаа, дайчин барилдааны шагналыг 1 удаа хүртэж байсан байна.

Монголчуудын амжилт

Дээд зиндаа
Хармумафүжи 14-1 (Түрүүллээ)
Хакухо 14-1
Асаршорюү 12-3
Какүрюү 9-6
Кёкүтэнхо 8-7
Шёонтэро 8-7
Токтэнкү 7-8
Тамаваши 6-9
Асасэкирюү 5-10

Жюүрёо
Мооконами 11-4
Коорюү 8-7
Хакуба 8-7
Хошихикари 6-9

Макүшита
Токүсэгава Б.Ганболд 7-0 (Түрүүлсэн)
Амармэнд 6-1
Ундрах 3-3-1
Аюурзана 3-4
Баярбат 2-5
Эрдэнэбаатар 0-3-4
Санчирболд 2-5
Алтангэрэл 2-5
Өлзийжаргал 4-3
ДӨлгөөн 4-3
Шаравнямбуу 4-3
Нанжид 5-2

Сандамэ
Баттүшиг 4-3
Ууганбаяр 4-3
Ууганбаатар 4-3
Өнөболд 7-0
Цолмон 0-0-7

Жонидан
Цэрэндорж 0-0-7
Тодбилэг 6-1
Баасандорж 7-0 (Нэмэлт барилдаанд унасан)

Friday, May 22, 2009

Харумафүжи, Хакухо нар тэмцээнийг тэргүүлж байна.


2009 оны 05-р сарын Башё Монголчуудын хувьд нилээн хүчтэй сайхан өрсөлдөөнийг бий болгоод байна. Дээд зиндааны тэргүүлэгч 3н бөх нь Манай Озэки Харумафүжи, Их аврага Даваажаргал нар 12-0, Их аврага Дагвадорж 11-1 гэсэн амжилттай явж байна.


Дээд зиндаа

Какүрюү 7-5
Шэнтори 7-5
Токтэнкү 6-6
Тамаваши 6-6
Күктэнхо 5-7
Дашням 5-7

Дунд зиндаа
Моконами 9-3
Коорюү 7-5
Хакуба 7-5
Хошикикари 6-6

Monday, May 18, 2009

НБА-ийн Шилдэгүүд



НБА-ийн 2008-2009 оны Улирлын шилдэгүүд




2009 оны Улирлын MPV-ээр Клевлэндийн Хаан Леброн Жеймс тодорлоо. Тэрээр энэ улиралд 28,4 оноо, 1,2 блок шот, 7,3 самбараас бөмбөг авалт, 7,6 оновчтой дамжуулалт гүйцэтгэж баг нь Конфференцийн аврагын төлөө шалгаран үлдээд байгаа билээ. Тэрээр 2009 онд үнэхээр шилдэг болохоо харууллаа.


2009 оны шилдэг хамгаалан тоглогчоор Орландогийн төвийн тоглогч Дуайд Ховард тодорлоо. Түүний хувьд энэ улиралд 13,8 самбараас бөмбөг авалт, 20,6 оноо, 2,9 блок шот гүйцэтгэлээ. Энэ улиралд тэрээр самбар үнэхээр ноён нуруу гэдгээ харуулж чадсан юм. Орлондо одоогоор Бостон Селтикийг хожиж Конфференцийн аврагын төлөө Клевлэйндтэй тоглохоор үлдээд байна.


Дэни Грэнжер Амжилт нь ахисан тоглогч

2008-2009 оны Улиралд 25,8 оноо, 5,1 самбараас бөмбөг авалт, 2,7 оновчтой дамжуулалт хийсэн байна. Түүний хувьд өнгөрсөн улиралд 19,6 оновчтой дамжуулалт, 6,1 самбараас бөмбөг авалт гүйцэтгэж байсан байна.



2008-2009 оны улирлын шилдэг зургаа дахь тоглогчоор Даллас Маверикс багийн хамгаалагч Жэсон Тэрри тодорлоо. Тэрээр энэ улирлалд 19,6 оноо, 3,4 оновчтой дамжуулалт, 2,4 самбараас бөмбөг авалт гүйцэтгэжээ.


Шилдэг шинэ тоглогчоор Чикаго Буллс багийн холбогч Дэрик Роуз тодорлоо. Тэрээр энэ улиралд 16,8 оноо, 6,3 оновчтой дамжуулалт, 3,9 самбараас бөмбөг авалт гүйцэтгэжээ.

Малчин өрхийг орлогын татвараас чөлөөлнө

Өнгөрсөн оны мал тооллогын дүнгээр манай улс 171.1 мянган малчин өрхтэй, нэг өрхийн ам бүлийн тоо дунджаар дөрөв байна.
Нийт малчин өрхийн 70.8 хувь нь мал ахуйгаас өөр амьжиргааны эх үүсвэргүй, мал аж ахуйгаас олсон орлого, зарлага нь тэнцдэг бол 9.3 хувийг нь орлогоороо зарлагаа нөхөж чаддаггүй ядуу өрхүүд эзэлдэг нь судалгаагаар тогтоогджээ. Түүнчлэн нийт малчин өрхийн 70 орчим хувь нь арилжааны банкуудад зээлийн өртэй, малын гаралтай түүхий эдийн үнэ буурснаас малчид зээлээ хугацаанд нь төлөхөд хүндрэлтэй байгаа юм.

Оюутны хэтэвчийг зузаатгах цагийн ажил нэмэгдсээр байна

Тодорхой хэмжээний орлоготой болж, хэрэглээгээ хангахыг хүсэхгүй хэн байх билээ. Тэгвэл өдөртэй ирээд эсвэл амралтын өдрүүдэд ажил хийчихээд хэдэн төгрөгтэй болох боломж өнөөгийн оюутан залууст байна. Нийслэлийн Хөдөлмөрийн газрын дарга Б.Батбаатартай энэ талаар уулзаж ярилцлаа.
-Оюутнуудыг цагийн ажилд хамруулж байна гэсэн. Тэд хэр идэвхтэй хамрагдаж байна вэ?



-Нийгмийн хамгаалал, хөдөлмөрийн яамнаас “Оюутны хөдөлмөр эрхлэлтийг дэмжих” дэд хөтөлбөрийг хоёр жилийн хугацаатай хэрэгжүүлж байна. Хөтөлбөрийг нийслэлд хэрэгжүүлэх ажлыг манай газар зохион байгуулах юм. Энэхүү хөтөлбөрийг хэрэгжүүлэхийн тулд 40 гаруй томоохон байгууллага, аж ахуйн нэгжүүдтэй уулзаж, оюутан залуусыг цагийн ажилд хамруулах талаар ярилцахад тэд нааштай хүлээн авсан. Ер нь аж ахуйн нэгж, байгууллагууд оюутан залуусыг цагаар ажиллуулах захиалгыг өгдөг болж байна. Одоогийн байдлаар 101 оюутан цагийн ажилд хамрагдлаа. Энэ долоо хоногийн амралтын өдрүүдэд 50 оюутан мод тарих ажилд оролцохоор болж байна.

-Цалин хөлсийн тухайд ямар хэмжээтэй байдаг бол? Тухайн ажиллуулсан байгууллага цалинг нь олгох уу?

-Мэргэжлийн ур чадвар шаардагдахгүй ажлыг оюутан залууст санал болгоно. Найман цагаас дээш ажиллуулахгүй. Цалингийн доод хэмжээ 10000 төгрөг байна. Энэхүү мөнгөний тавин хувийг буюу 5000 төгрөгийг нь “Хөдөлмөр эрхлэлтийг дэмжих сан”-гаас гаргах юм. Үлдсэн 5000 төгрөгийг нь тухайн байгууллага, аж ахуйн нэгж байгууллага өгнө. Цагийн ажил болохоор цалин хөлсийг өдөрт нь олгоно. Уг төсөлд Санхүү, эдийн засгийн дээд сургууль, Шинжлэх ухаан, технологийн их сургуулийн оюутан залуусыг хамруулна гэсэн байгаа. Гэхдээ хүсэлт гаргах юм бол бусад сургуулийн оюутнуудыг ч мөн хамруулах болно.

-Энэ төсөл хоёр жил хэрэгжээд өнгөрөх хэрэг үү? Оюунтан залуусын хүсч байгаа зүйл чинь энэ шүү дээ?

-Хэрвээ үр дүнтэй байх юм бол цааш нь үргэжлүүлнэ. Энэхүү хөтөлбөрийн хэрэгжүүлэх журамыг бид боловсруулж байна.
-Оюутан залуучууд ч бус жирийн иргэд ч цагийн ажил хийхийг хүсч байгаа. Энэ тал дээр хэр анхаарч байна вэ?
-Нийтийг хамарсан ажилд нэн ядуу амьдралтай иргэдийг хамруулж байна. Мөн л ажлынх нь хөлсийг өдөрт нь “Хөдөлмөр эрхлэлтийг дэмжих сан”-гаас олгох юм. Нэг өдрийн цалин нь 6000-7000 төгрөг байх юм. Нийтийг хамарсан энэхүү ажилд он гарснаас хойш 1505 иргэн хамрагдлаа. Мөн нийтийг хамарсан ажилд одоо ч хамрагдаж байгаа иргэд цөөнгүй бий. Хотын цэвэрлэгээ, тохижилтод эдгээр хүмүүс ажилладаг. Иргэд ч тодорхой хэмжээний орлоготой болж байгаадаа баяртай байдаг. Дээр нь хотын тохижилт, цэвэрлэгээ эрс өөрчлөгдөж байгаа болохоор энэхүү ажил маань нэлээд үр дүнгээ өгч байна

-Үүнээс гадна иргэдийг байнгын ажлаар хангах ажил хэр явагдаж байна вэ? Сүүлийн үед ажлын байрны захиалга эрс буурч байгаа гэж дуулдсан. Энэ үнэн үү?

-Шинээр ажлын байрны захиалга буурч байгаа нь үнэн. Энэ нь эдийн засгийн хямралтай шууд холбоотой. Манай газар дээр сул чөлөөтэй ажлын байрны захиалга 11189 байгаа. 6259 иргэнийг ажилд зуучлаад байна. Ажлын байрны нийт захиалгын 3303 нь шинээр ирсэн. Үүнийг өмнөх оныхтой харьцуулахад тодорхой хэмжээгээр буурсан байгаа л даа. Тийм учраас хямралын энэ үед иргэдээ ажлын байртай болгохын тулд цагийн болон нийтийг хамарсан ажлын хэлбэрийг нэвтрүүлж байна. Энэ нь их үр дүнтэй байгаа. Улаанбаатар хотын Захирагчийн Ажлын Албанаас нийслэлийн хэмжээнд үйл ажиллагаа явуулж байгаа аж ахуйн нэгж байгууллагуудад гадна орчноо тохижуулах даалгаврыг өгч байна. Ингэснээр цагийн ажил тодорхой хэмжээгээр нэмэгдэхээр болж байгаа юм.

Эссэ хэрхэн бичих вэ?


ЭССЭ ХЭРХЭН БИЧИХ ВЭ?

Романтай адил эсссэ юуны тухай ч байж болно. Их сургууль болон коллэжуудад эзэмших ёстой хамгийн гол зүйл бол эссэ бичиж сурах байдаг. Эссэ гэдэг та өөрийн бодлоо ямар нэг тодорхой асуудал дээр илэрхийлэх, батлах тухай юм. Та нөхцөл байдлыг гарган тавиад, учир шалтгааныг нь харуулах ёстой.

1. Та эхлээд юуны тухай бичих гэж буйгаа уншигчидад хэлэх ёстой. Эхлээд тухайн сэдэв дээрх өөрийн бодлоо энгийнээр эхний хэсэгт бичих хэрэгтэй. Үүнийг та тухайн эссэгээ бичих хэв маягтаа тааруулан сонгох нь зөв.

2. Хүмүүст хандан бич. Та эхний хэсэгт бичсэн өөрийн бодлоо задалж нэг нэгээр нь дэлгэрүүлэх хэрэгтэй. Задлан бичиж буй зүйлүүдээ жишээ, тайлбараар нотолж задалсан хэсэг бүрээ өөрийн дүгнэлтээр хаах хэрэгтэй.

3. Та хүмүүст хандан хэлсэн зүйлээ дахин сануул. Тэгээд өөрийн эссэгээ төгсгөж, эцсийн бодлоо хэсэг өгүүлбэрт багтаан бич.
• Та хэрвээ үнэхээр сайн эссэ бичиж сурмаар байгаа бол сайн эссэчдээс жишээ авж, тэднээс суралцах хэрэгтэй. Волтайр, Жоан Дидион, Анние Диллард, Чарлэз Ламб, Ралф Валдо Эмэрсон, Торэау, , Шэллэй, Гор Видал зэрэг сайн эссэчид байдаг.

Хэрвээ та эссэ бичих талаар илүү их мэдээлэл авахыг хүсвэл доорхи хаягаар орж үзээрэй.

ЭССЭ БИЧИХЭД БИ ЮУ АНХААРАХ ЁСТОЙ ЮМ БЭ?

Эссенээс юу олж мэдэхийг хvсдэг вэ?
Эссенээс таныг хувь хүний чинь хувьд олж харахыг хичээдэг. Мэдээж хичээл сурлагын байдал, ажлын туршлага, олсон амжилт чинь чухал. Гэхдээ эдгээрийг CV, Application Letter болон дүнгийн чинь хуулбараас харчихна. Харин эссенээс та хэн бэ, та юунд зорьдог, тэмүүлдэг, ямар үзэл бодолтой вэ гэх зэргийг олж харах гэдэг. Иймээс та өөрийгөө ямар өнцгөөс нь харуулах вэ гэдгээ маш сайн бодож, төлөвлөх хэрэгтэй. Эссег тань уншаад таны бусад материалыг харах сонирхол төрөх ёстой. Тэд таны эссег уншаад энэ сургуульд суралцахад тохиромжтой оюутан мөн үү гэдгийг тогтоохыг оролдоно.

Хэрэв эссенд өөрийнхөө давуу талыг бичээрэй гэсэн байвал өөрийгөө хариуцлагатай, ажилсаг, хөдөлмөрч, ухаантай зэргээр бичээд огт хэрэггүй. Мэдээж өөрийгөө хариуцлагагүй, залхуу, юм ойлгодоггүй гэж бичих хүн байхгүй. Харин үүний оронд та чөлөөт цагаараа асрамжийн газрын хүүхдүүдэд англи хэлний хичээл заадаг гэж бичсэн нь дээр. Мөн шалгаруулалтын комиссынхонд зүгээр л онц сурлагатан хэрэггүй, харин төрөл бүрийн салбарыг сонирхдог, нийгмийн идэвхтэй хүн чухал байдаг. Иймд та зуны улиралд одон орон судлалын нийгэмлэгт ажилладаг гэх мэтээр бичвэл уншиж байгаа хүндээ илүү сонирхолтой байж чадна.

Хэмжээ
Хамгийн гол анхаарах зүйл бол хэмжээ. Та заасан үгийн тооноос хэтрүүлж огт болохгүй. Энэ нь таныг аливааг задлан шинжлээд эргүүлэн дүгнэж, санаагаа товч тодорхой илэрхийлж чадаж байна уу гэдгийг чинь шалгаж байгаа хэрэг. Эссе бол таны сургуульд илгээж байгаа материалууд дотроос хянаж, хүссэнээрээ хийж болох цорын ганц зүйл гэдгийг ойлгоорой.

Шалгаруулалт
Олон мянган захиаг шалгалтын комиссынхон хэрхэн, ямар үзүүлэлтээр шалгаруулдаг вэ. Энэ талаар шилдэг сургуулиудын шалгалтын комисст багтдаг туршлагатай хүмүүсээс авсан судалгааг товчлон танилцуулья.

Тэд эссенээс юуг олж мэдэхийг хүсдэг вэ?
-Сурах чадвар: хөдөлмөрч чанар, сэтгэн бодох, задлан шинжлэх, дүгнэлт хийх чадвар

-Хувийн чанар: өөртөө итгэлтэй, үнэнч, зорилготой, манлайлагч байх, бусдыг араасаа дагуулах, өөрөө өөрийгөө хурцлах чадвар

- Мэргэжлийн ур чадвар: өөрийн сонгосон салбартаа амжилт гаргахад нөлөөлөх туршлагуудыг хуримтлуулсан уу, бусадтай харилцах, бусдыг удирдах чадваруудад суралцсан уу зэргийг таны эссенээс олж мэдэхийг хичээдэг. Мөн дараах 3 асуултанд хариулт олохын тулд тэд таны эссег уншдаг.

-Та энэ сургуульд элсвэл амжилттай суралцаж чадах эсэх

-Та анги, хамт олондоо шинэлэг байдлыг бий болгож чадах эсэх

-Та бусад өргөдөл өгөгчдөөс хэр зэрэг давуу талтай, онцлогтой байна.

-Ингээд таны эссэг уншиж дуусахад Та бол энэ сургуульд сурахаар заяагдсан, үнэхээр тохирсон хүн яах аргагүй мөн гэдгээ нотолж чадсан байх ёстой юм.

Эссег хэн уншдаг вэ?
Шалгаруулалтын комисс гэж байх бөгөөд тэдгээр хүмүүс жил бүрийн шалгаруулалтыг хийдэг, маш туршлагатай хүмүүс байдаг. Тэд ямар хүмүүсийг сургуульдаа оруулах дуртай байдгийн талаар баримжаа мэдээлэлтэй болохын тулд та сургуулийн веб хаягаар ороод FAQ буюу хамгийн түгээмэл тавигддаг асуулт болон түүнд өгсөн хариултуудыг уншсан байхад зүгээр.

Яаж шалгаруулдаг вэ?
Ер нь бүхий л сургуулийн сонгон шалгаруулалтын үе шат нь адил гэхэд болно. Эхний ээлжинд 1-2 мэргэжилтэн бүх материалыг уншина. Ямар ч байсан таны материал хугацаандаа очсон л бол уншигдалгүйгээр хогийн саванд орно гэж байхгүй. Мөн TOEFL, GRE, GMAT зэрэг шалгалтанд минимум оноог нь авсан байвал шүү дээ. Тэд нэг эссег уншихад 10-40 минут зарцуулдаг. Комисс өдөрт дунджаар 100 орчим эссе уншдаг гэсэн тооцоо бий. Тиймээс тэд эссений эхний хэдхэн мөрөөс л тухайн эссег сонирхолгүй, сонирхолтой зэргээр тархиндаа ялгачихдаг. Ингээд таны материал авах, татгалзах, тодорхойгүй гэсэн гурван хайрцагны нэгэнд орно. Хэрэв таны материал тодорхойгүй гэсэн ангилалд орвол дараагийн хүн уншина. Хэрэв тэр дахиад л тодорхойгүй гэвэл сургуульд элсэх таны магадлал буураад л байх болно. Хэрэв элсүүлэхээр бол таны материалыг деканд өгөх бөгөөд декан зөвшөөрвөл та тус сургуулийн оюутан боллоо гэсэн үг. Тэгэхээр та энэхүү тодорхойгүй гэсэн ангилалд орохгүйн тулд аль болох гайхалтай сайн, ер бусын онцлог, бусдаас эрс ялгарахуйц эссе бичихээс өөр аргагүй юм.

Анхаарах зүйлс
Та чухам юу илэрхийлэх гээд байгаагаа тодорхой бичих ёстой. Та бол энэ сургуульд заавал сурах ёстой хүмүүсийн нэг гэдгээ та 2-3 үндэслэлээр нотлох хэрэгтэй. Санаагаа ойлгомжтой илэрхийл. Таны эссе тодорхой, логиктой, сонирхолтой байх ёстой. Түүнээс биш энэ бол эрдмийн ажлын судалгаа, өөрийгөө магтсан зохион бичлэг биш. Хөгжилтэй, сонирхолтой. Оновчтой хошигнож чадсан хүмүүс бусдад дандаа таалагддаг.

Сайн эссе бичихийн тулд:
-Ямар хэсгүүд дээр төвлөрөхөө тодорхойл

-Дарааллаа гарга

-Амьдралд тохиолдсон болсон явдлуудаасаа дурьдаж болно

-Танд энэ чиглэлээр сурахын юу нь сонирхолтой байгаа, юу сурахыг хүсч байна гэдгээ илэрхийл

- Эссены эхлэл ердийн “саарал” биш, харин богино түүх, ишлэл үг, асуулт, дүрслэлээс эхэлж болно.

-Эссены төгсгөл нь гол хэсгүүдээ тодотгосон байх ёстой

-Бичиж дууссан эссэгээ хамгийн багадаа гурван удаа унших хэрэгтэй

-Өөр хэн нэг хүнд өгч уншуулаад санал, анх буусан сэтгэгдлийг нь сонсох

- Өөрөө өөртөө чангаар унших хэрэгтэй

Муу эссе бичихийн тулд:
- Би 19** онд төрсөн, Намайг тэр гэдэг… гэх мэтээр эхлэх

- Эссены оронд товч намтраа бич

-Сонирхолтой, хөгжилтэй биш харин инээдэмтэй юм бич

-Уран яруу, уянгын халилтай үгээр бөмбөгд

-Компьютерийн зөв бичгийн дүрэм шалгагчид 100% найд

-Нийтлэг, ерөнхий, мэдээжийн зүйл бич

-Яагаад дунд сурсан, ажлаа олон дахин сольсон зэрэг дутагдлуудаа хаацайлан, тайлбар бич

-Худал зүйл санаанаасаа зохион, өөрийгөө илт дөвийлгөн бич

НБА-ийн Шигшээ дөрөв шалгарлаа.




Өрнөд Конференцийн аваргын төлөө

Л.А.Лакерс vs Дэнвер Наггетс

Дорнод Конференцийн аваргын төлөө

Орландо межик vs Клевлэнд Кавлейрс