This is default featured slide 1 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 2 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 3 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 4 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

This is default featured slide 5 title

Go to Blogger edit html and find these sentences.Now replace these sentences with your own descriptions.This theme is Bloggerized by Lasantha Bandara - Premiumbloggertemplates.com.

Saturday, January 31, 2009

Оюутан та хэн бэ?



Оюутан гэж хэн бэ??Та оюутан мөнүү гэсэн асуултыг өөрөө асууж байсан уу? 
Одоо нэг удаа асуугаад үзээрэй.


Өнөөгийн нийгэмд оюутан залуусын оролцоо, оюутан хүний амьдрал хэн бүхэний мэлмийд хүрч чадаж байна уу? Би үгүй гэж хариулмаар байна.

Монголд оюутан залуусын тоо их гэдэг нь харагддаг. Ойролцоогоор 100000 гаруй оюутан залуус сурч боловсорч эрдэм мэдлэгтэй болж ирээдүйн амьдралынхаа төлөө тэмцэж байгаа билээ. Тэгвэл ингэж сурч байгаа оюутан та өнөөгийн амьдралдаа өөрийгөө ямар хүн бэ гэсэн асуултыг өөртөө тавьж юуны төлөө амьдарч, юуг бүтээх гэж байгаагаа бодож үзэвүү? Тэгвэл та одоо өөрөө цаг алдалгүй асуу. Оюутан би юуг хийж бүтээх вэ юуг хийж чадах вэ? Монгол улсынхаа төлөө юуг хийж чадахаа төсөөлөн бодож гаргаж одоо л хийхгүй бол хэзээ хийхээ төлөвлө гэмээр байна. Бид сурч л байна сурах цаг хүн бүхэнд байдаг шүү дээ. Тэгвэл өөрийнхөө бүхий л байгаа нөөцөө гарга хэн бүхэний сурч чаддаг сургуульд чи бас л сурч чадна шүү дээ. Яагаад гэвэл чи түүнээс дутахгүй чадалтай учир. Битгий өөртөө эргэлз битгий өөрийгөө гол зөвхөн чи бүгдийг хийж чадах учир өөртөө итгэ өөрийгөө дайчил тэгвэл чи амжилтанд хүрнэ.

Оюутан бид зүгээр л хоол идэж, өдрийг аргацааж өнгөрөөх, найз нөхөдтэйгээ шоудаж явах, эцэг эхээ зовоож явах тийм хүмүүс мөн гэжүү?Би тэгэж бодохгүй байна. Бид Улс эх орныхоо төлөө бүхэнийг хийж чадах тийм л хүсэл эрмэлзэлтэй хүмүүс. Оюутан бидний үйлдлээс бүхий л зүйл шалтгаална.

Оюутан бидний амьдрал саад бэрхшээл зөндөө л байдаг мөнгө, найз нөхөд, гэр бүл, амьдрал ахуй, сурч боловсрох гээд л. Энэ бүгдийг давж л чадвал чи жинхэнэ оюутан болох болно. Жаахан зүйлд л сэтгэлээр унаж түүндээ дийлдвэл чи нэг ч алхам урагш алхахгүй шүү дээ.Бид бүгд л эцсийн нэг зорилготой тэр зорилгынхоо төлөө тэмц.

Тэвч итгэ хүлээ тэгвэл чи ялна гэдэг шүү дээ.Тиймээс өөртөө итгэ чи бүхэнийг чадна.

Миний шүтдэг сагсан бөмбөгч "Mike Bibby"















Д.Нацагдорж "Би Монгол Хүн"

Аргалын утаа боргилсон
Малчны гэрт төрсөн би
Атар хээр нутгаа
Өлгий минь гэж боддог
Цэнхэр манан суунагласан
Алсын барааг ширтээд
Цэлгэр сайхан нутгаа
Сэтгэл бахдан харахад

Эрүүл мэндийн блог

Хөдөлгөөн бол ЭРҮҮЛ МЭНД-ийн гол түлхүүр байх болно.

Таньд таалагдах болно та сонирхоод үзэхэд илүүдэхгүй шүү...эрүүл мэндийн тусламж үйлчилгээг бүрэн авах болно.





http://tradmedhealth.blogspot.com/

Хурдан хугацаанд цаг алдалгүй шивж, хэлвлэж үйлчилнэ.


Хурдан хугацаанд курсын ажил, диплом, бие даалтын ажлыг шивж хэвлэж үйлчилнэ.




Холбогдох утас : 88855237, 99962267

Хаяг : ЭМШУИС-ийн Оюутны 1-р байр

Friday, January 30, 2009

Монголын Багш нарын баяр мэнд


Монголын нийт багш, сурган хүмүүжүүлэгч нартаа 
Монголын багш нарын өдрийн баяр мэндийг хүргэе!


Багш та хүүхэд шуугисан их өргөөний эзэн
Багш та хүсэл доргилсон ирээдүйн замын хөтөч

Монголын Тэмдэглэлт Өдрүүд

Засгийн газрын 2004 оны 163 дугаар тогтоолын 1 дүгээр хавсралт

ТЭМДЭГЛЭЛТ ӨДРҮҮД

1. Багш нарын өдөр-жил бүрийн 2 дугаар сарын эхний Ням гараг;

2. Хөдөлмөр, нийгмийн хангамжийн ажилтны өдөр-2 дугаар сарын хоёр дахь Ням гараг;

3. Хэвлэл, мэдээллийн ажилтны өдөр- З дугаар сарын 6;



4. Хэрэглэгчдийн эрх ашгийг хамгаалах өдөр-З дугаар сарын 15;

5. Наурызын баяр-З дугаар сарын 22;

6. Усны өдөр-З дугаар сарын 23;

7. Хөнгөн аж үйлдвэрийн өдөр-З дугаар сарын 26;

8. Театрын өдөр-З дугаар сарын 27;

9. Мод тарих өдөр-4 дүгээр сарын хоёр дахь Ням гараг;

10. Бүжгийн өдөр-4 дүгээр сарын 29;

11.Бурхан багшийн их дүйцэн өдөр-билгийн тооллын зуны эхэн сарын 15;

12.Үндэсний бичиг үсгийн баяр-5 дугаар сарын эхний Ням гараг;

13. Музейн өдөр-5 дугаар сарын 18;

14.Газрын тосны салбарын ажилтны өдөр-5 дугаар сарын 4 дэх Ням гараг;

15.Иргэний агаарын тээвэрчдийн өдөр-5 дугаар сарын 4 дэх Ням гараг;

16.Хуульчдын өдөр-6 дугаар сарын 4 дэх Ням гараг;

17.Хоршоологчдын өдөр-7 дугаар сарын эхний Ням гараг;

18.Цагдаагийн болон Дотоодын цэрэг, Тагнуулын байгууллагын өдөр-7 дугаар сарын 19;

19.Авто тээвэрчдийн өдөр-7 дугаар сарын З дахь Ням гараг;

20.Холбоочдын өдөр-7 дугаар сарын 4 дэх Ням гараг;

21.Төмөр замчдын өдөр-8 дугаар сарын эхний Ням гараг;

22. Эрүүл мэндийн салбарын ажилтны өдөр-8 дугаар сарын хоёр дахь Ням гараг;

23. Эрчим хүчний ажилтны өдөр-8 дугаар сарын З дахь Ням гараг;

24. Соёл, урлагийн ажилтны өдөр-9 дүгээр сарын 2 дахь Ням гараг;

25. Аялал, жуулчлалын өдөр-9 дүгээр сарын 27;

26. Үндэсний татварын ажилтны өдөр-9 дүгээр сарын 2 дахь Ням гараг;

27. Байгаль хамгаалах өдөр-5 дугаар сарын 2 дахь Ням гараг;

28. Тамирчдын өдөр-6 дугаар сарын 4 дэх Ням гараг;

29. Мэдлэгийн өдөр-9 дүгээр сарын 1;

30. Барилгачдын өдөр-9 дүгээр сарын эхний Ням гараг;

31. Хилчдийн өдөр-9 дүгээр сарын 17;

32. Хөгжмийн өдөр-10 дугаар сарын 1;

33. Оюутны өдөр-10 дугаар сарын 5;

34. Нийтийн аж ахуй, ахуйн үйлчилгээний ажилтны өдөр-10 дугаар сарын 2 дахь Ням гараг;

35. Гаалийн ажилтны өдөр-10 дугаар сарын 20;

36. Геологичдын өдөр-10 дугаар сарын 3 дахь Ням гараг;

37. Авто замчдын өдөр-10 дугаар сарын 4 дэх Ням гараг;

38. Хөдөө аж ахуйн ажилтны өдөр-11 дүгээр сарын 2 дахь Ням гараг;

39. Шинжлэх ухааны ажилтны өдөр-11 дүгээр сарын 4 дэх Ням гараг;

40. Архивчдын өдөр-12 дугаар сарын 5;

41. Санхүү, эдийн засагчдын өдөр-12 дугаар сарын 2 дахь Ням гараг;

42. Хүнсний аж үйлдвэрийн ажилтны өдөр-12 дугаар сарын 2 дахь Ням гараг;

43. Уурхайчдын өдөр-12 дугаар сарын 25;

44. Худалдааны ажилчдын өдөр-12 дугаар сарын 3 дахь Ням гараг;

45. Киноны өдөр-12 дугаар сарын 28;

46. Дипломат албаны өдөр-12 дугаар сарын 29.

47.Газрын харилцааны ажилтны өдөр-5 дугаар сарын эхний Ням гараг;

48.Онцгой байдлын албаны өдөр-6 дугаар сарын 20;

49. Шуудангийн ажилтны өдөр-10 дугаар сарын 9;

50. Стандарт, хэмжил зүйн ажилтны өдөр-10 дугаар сарын 14.

51. Иргэний нийгмийн өдөр-1 дүгээр сарын 31." /2008 оны 22 дугаар тогтоолоор нэмсэн/

52. 10-р сарын 05-н Монголын оюутны өдөр

53. 11-р сарын 17-н Олон Улсын Оюутны Эрхийн өдөр

54. 03-р сарын 04-н Монголын Оюутны эрхийн өдөр

Оюутны "Автобусны хөнгөлөлтийн билет"

Оюутны автобусны хөнгөлөлтийн билетний асуудал одоо оюутнуудын сэтгэлийг зовоосон томоохон асуудлын нэг болоод байгаа билээ. Энэ тухай өгүүлэх нь :

Та нар мэдэх л байх Монгол улс чинь улсын хэмжээний автобус бааз 4 байдаг. Түүнээс гадна хувийн хэвшлийн компаниуд тоо томшгүй олон байдаг шүү дээ.Гэтэл тэд өөрсдийнхөө ашигтай байгаа ажил дээрээ улам ашгийг олж оюутан залууст хүндрэл учруулаад байгаад би үнэхээр гайхаж байна.

Оюутан залуусын хувьд өдрийн орлого гэж үгүй зөвхөн автобусны хөнгөлөлтийн билетээр өдөр хоногоо өнгөрөөж, аав ээжээ бага ч гэсэн мөнгө авч хоол ундаар залгуулж байгаа шүү дээ. Монголын нийгэмд мөнгөтэй айлын оюутан хэд, амьдралын боломж тааруу оюутан хэд байгааг хүн бүхэн мэдэхгүй ч ядуу өрхийн оюутан залуус их байх нь тодорхой тэдний хичээлдээ явах сарын хэрэглээ нь яах аргагүй Автобусны хөнгөлөлтийн билет шүү дээ. Гэтэл энэ билетийг нь үгүй болгох эсвэл 10000,20000 мянган төгрөг болгох нь зүйд нийцэх хэрэг гэжүү.
Нэг оюутан сард доод талд 15000 төгрөгийг автобусанд үрнэ шүү дээ. Энэ бол зөвхөн сургуульдаа очоод ирэх л оюутны мөнгө, дамждаг оюутнуудын хувьд түүнээс илүү их хэмжээний мөнгө орох нь дамжиггүй шүү дээ. Тиймээс энэ асуудлыг зөвөөр шийдэх нь оюутан залууст хэрэгтэй боловуу. Хөнгөлөлтийн билетний мөнгийг хамгийн ихдээ л 10000-аас хэтрүүлэхгүй байвал л болно байх. Одоо гадуур автобусны билет 300Т болцон байхад нэг оюутан сард хамгийн багаар бодоход 15000 зарцуулна шүү дээ. ЭМШУИС, Анагаахын чиглэлийн сургууль, Хол гэртэй оюутан залуусын хувьд өдөр хэд хэдэн удаа автобусанд суух хэрэгтэй болно гэдгийг анхаарч үзвэл Нийслэлийн Нийтийн тээвэр зохицуулалтын газарт хэрэгтэй л боловуу.

Та бүхэн өөрсдийнхөө сэтгэгдлээ бичээрэй....

Thursday, January 29, 2009

Б.Лхагвасүрэн "Ижийтэйгээ байхад би баян байсан"


Xагарсан чулуу дахиад хэзээ ч эвлэдэггvй шиг
Yнэнээ хэлье!
Нулимсаараа зуурч хэлье!
Хагацахын цагт vхэл давж уулздаггvй шиг
Yнэнээ хэлье! 

О.Дашбалбарын "Амьддаа бие биенээ хайрла хүмүүсээ"


Амьддаа бие биенээ хайрла хүмүүсээ
Алив сайхнаа бусдаас битгий харамла
Хэрэггүй үгийн зэвээр зүрхийг минь бүү шархлуул
Хэн нэгнээ харанхуй нүхрүү битгий түлхэ

Ван Дер Сарын ээлжит рекорд

Ван Дер Сарын ээлжит рекорд

Мягмар гарагийн үдэш Английн Пермер лигийн 23 дугаар тойргийн хэд хэдэн тоглолт болсон билээ. Лигийг "Ливерпүль"-ийн хамт тэргүүлж буй "МЮ" "Вест Бромвич"-ийг 5:0-ээр бут ниргэсэн байна. Тус тоглолтын 22 дахь минутанд Бербатов, 44 дэх минутанд Тевес, 60 дахь минутанд Видич, 65, 73 дахь минутанд Роналду гоол оруулжээ. 
Энэ үеэр "МЮ"-ын хаалгач Эдвин Ван Дер Сар хаалгаа "хуурай" манаж, Петр Чехийн тогтоож байсан 1025 минутын турш гоол алдаагүй рекордыг 7 минутаар буюу 1032 минут болгож ахиуллаа. 

Савиола "Портосмут"-д очихуу

"Реал" багийн аргентин довтлогч Хавьер Савиолагаа "Портосмут"-д түрээслүүлж магадгүй нь хэмээн www.goal.com мэдээллээ. Хэрвээ өвлийн солилцоо хаагдахаас өмнө эл наймаа болвол Премьер лигт хагас жил орчим хүчээ сорих боломжтой болох юм. "Портосмут"-ын удирдлага Савиолаг авахыг аль болохоор яаравчилж байгаа бөгөөд удахгүй "Астон Вилла"-гийн эсрэг тоглолтонд талбайд гаргаж туршиж үзэх бодолтой байгаа гэнэ.
Сонирхуулахад "Портосмут" саяхан хагас хамгаалагч Ричард Хьюзтэй гэрээгээ 2,5 жилээр сунгасан байна.

Мадагаскарт шатсан 20 цогцос олджээ.

Мадагаскарын нийслэл Антананаривод Засгийн газрын эсрэг жагсаал цуглаан болсны дараа 20 гаруй шатсан цогцос олджээ. Гал сөнөөгчид 20 гаруй цогцос олсон ч маш их түлэгдсэн байсан учир тэднийг таних аргагүй байгаа юм.

Цогцсууд шатсан дэлгүүрээс олсон байна. Эх сурвалжуудын мэдээлж байгаагаар, бослогыг далимдуулан дэлгүүрээс хулгай хийж байсан хүмүүс галд өртөж шатсан бололтой. Дэлгүүрийн дээвэр шатаж, улмаар нурсны улмаас тэд гарч чадалгүй, шатаж амиа алдсан байж болох тухай цагдаагийнхан ярьжээ.
Энэ Мадагаскарын хувьд хотын дарга болон ерөнхийлөгчийн хоорондох улс томоохон тэмцлээс үүдсэн үймээний дөрөв дэх өдөр байсан бөгөөд жагсаалд хамрагдсан, цугласан олныг тараах гэж цагдаа нар агаарт хий буудаж байсан аж.
Энэхүү хэргийн дараа хотын захирагч Эндри Рожолина, ерөнхийлөгч Марк Раваломанана нар ард иргэдээсээ аль болох тайван байхыг хүсчээ. Хотын захирагч ярилцахыг хүссэн ноён ерөнхийлөгчийн саналыг хүлээн авахаас татгалзаж байгаагийн дээр энэ долоо хоногийн эхээр жагсч байхад буудсан аж.
Иймд хоёр хүний амь насыг хөнөөсөн этгээдүүдэдийн өмнөөс хариуцлага хүлээхийг шаардаж байгаа юм.
Өнгөрсөн сард ерөнхийлөгчийн өрсөлдөгч, экс ерөнхийлөгч Дидиер Ратрисикаг урьж ярилцлага хийсэн хотын дарга Рожолинагийн хувийн телевизийн үйл ажиллагааг ерөнхийлөгч Марк Раваломанана зогсоосон нь өнгөрсөн бямба гарагт болсон бослогын гол шалтгаан байжээ. Жагсаал даваа гарагаас ширүүсч, улмаар хоёр хүн амиа алдаж, 17 хүн шархадсан байна.
Антананариво хотод ажил үүргээ гүйцэтгэж байгаа ВВС-гийн сэтгүүлчийн мэдээлснээр уг жагсаал 2001 оны ерөнхийлөгчийн сонгуулийн үеийнх шиг үймээн самууныг дэгдээх вий гэсэн айдас төрүүлж байгаа юм. Найман жилийн өмнөх тэр самууны үеэр хэд хэдэн байшин барилга, дэлгүүр шатсан бөгөөд эвдэрч хэмхэрсэн барилгын үлдэгдэл одоо ч хэвээр байгаа юм.
Хотын захирагч “Самууны үеэр амь насаа алдсан хоёр хүнийг хөнөөгчдийг илрүүлсэн тохиолдолд л ерөнхийлөгчтэй уулзана, үгүй бол уулзах ямар ч сонирхол байхгүй байна” гэж мэдэгджээ.

Элгийг гэмтээгч есөн зүйл гепатит үүсгэгч вирус тогтоогджээ

Өнгөрсөн долоо хоногт Улаанбаатар хотод долоон төрлийн халдварт өвчний 117 тохиолдол гарсан бөгөөд үүний 35.9 хувь нь вируст гепатит, 23.8 хувь нь цусан суулга, 22.2 хувь нь салхин цэцэг өвчин зонхилж байна. Нийслэлд жилдээ таван сая тонн нүүрс түлдэг дулааны гурван цахилгаан станц, 400 тонн нүүрс хэрэглэдэг 250 гаруй жижиг уурын зуух ажиллаж байгаа бөгөөд эдгээр уурын зуух болон станцууд хотын агаарт 200 гаруй төрлийн хорт бодис цацдаг гэсэн тооцоо гарчээ.

Эдгээр хорт бодисууд нь янз бүрийн өвчлөлийн эх үндэс болж байдаг бөгөөд сүүлийн жилүүдэд манай улсад хорт хавдраар өвчилж байгаа хүмүүсийн тоо эрс ихэсч 20 жилийн өмнө жилд 2000-2500 хүн энэ өвчнөөр өвчилдөг байсан бол сүүлийн үед жил бүр 3000-3500 хүн өвчлөх болжээ.
Ийн хорт хавдраар өвчлөгсдийн тоо ихэссэн нь агаарын бохирдол, хүнсний бүтээгдэхүүний чанар муудаж байгаатай холбоотой хэмээн мэргэжилтнүүд үзэж байгаа аж.
Мөн утаанаас үүдэн хамар, хоолойн үрэвсэлт өвчнөөр бага насны хүүхэд өвчлөх нь ихэсч энэ нь хүүхдийн өвчлөлийн 60 орчим хувийг эзлэх болсон тухай Эх нялхсын эрдэм шинжилгээний төвийн эмч нар ярьж байна.

Ямар өвчнийг вируст гепатит гэх вэ?

Элэгний үрэвсэл үүсэхэд нөлөөлөх олон шалтгаанууд бий. Хамгийн гол шалтгаан бол вирусын халдвар. “А” вирус бохир гараар дамжин халдварладаг бол хамгийн элбэг тохиолддог “В”, “С” вирус тариур, мэс заслын дутуу ариутгагдсан багажхэрэгсэл, арьс салстын бүтэн байдал алдагдах, архидалт, бэлгийн замаар, бохир хоол хүнс, хөгцөрсөн ааруул, хүнсний бүтээгдэхүүн, лаазалсан жимс, жимсгэнэ, хуванцар савтай элдэв төрлийн масло зэргээс халдварлаж болно.
Элэгний хорт хавдраар өвчлөгсдийн тоо сүүлийн 20 жил тасралтгүй нэмэгдэжжил тутам энэ тоо өсөөд байгаа нь сэтгэл эмзэглүүлсэн асуудал болоод байгааг эмч мэргэжилтнүүд хэлж байна. Элэгний хорт хавдраар нэг нас хоёр сартай хүүхдээс 90 хүртэлх насныхан өртсөн тохиолдол бүртгэгджээ. Ялангуяа идэр залуу насандаа шарласнаас улбаалан элэгний үрэвсэлтэй болсон хүмүүс 20-30 жилийн дараа элэгний архаг үрэвсэл, хатуурал болон улмаар хавдарт шилждэг байна. өнөөдөр манай улсын хэмжээнд бүртгэгдээд байгаа дээрх өвчнөөр өвчлөгсдийн 60 хувь нь 35-45 насныхан байна. 100 мянган хүн амд 50,5 тохиолдол байна гэсэн судалгаа гарчээ. Үүнд эрэгтэйчүүд 62,4, эмэгтэйчүүд 35,3 хувиар хамрагдаж байна. Элэг гэдэг эрхтэн маань гаднаас биед орж байгаа бүх  зүйлсийг хоргүйжүүлэхийн тулд шүүх үүрэг гүйцэтгэдэг. Тиймээс ч элэг уйлбал уйлж, инээвэл инээдэг гэж ярьдаг. Хүмүүс элгээ хөштлөө инээлээ гэж ярьдаг нь оргүй үг биш байх.
Элэг өөрөө өвчлөөд шууд хорт хавдар болдоггүй бөгөөд үрэвсэл үүсгэгч вирус хүний биед нуугдмал байдлаар 6-8 жил болоод илэрдэг нь аюултай. Элэг өвчлөхөд биеэр бага зэрэг тууралт гарах, гарын алга улайж загатнах, ядрах, турах, амархан сульдах, хамар, буйлнаас цус гарах ерөнхий шинж тэмдэг илэрдэг байна.
Элгийг зонхилон гэмтээгч вирусийн бүлэг өвчнийг вируст гепатит өвчин гэдэг. Халдвар үүсгэгч вирус нь төрөл зүйл, халдварлах механизмаараа ялгаатай. Элэгний эс гэмтэж, үйл ажиллагаа нь хямарч, аль нэг хэмжээгээр хордлогын шинж илэрч, арьс салст шарлах нь уг өвчний нийтлэг шинж аж. өнөөдөр А, В, С, Д, Е, F, TTV, SEN гэсэн есөн зүйл гепатит үүсгэгч вирус тодорхойлогджээ.




“А” гепатит нь интеровирусээр үүссэн элэгний цочмог үрэвсэл бөгөөд элэгний эд эс гэмтэж үйл ажиллагаа нь хямран ерөнхий хордлогын болон шарлах шинжүүд илрэх хэдий ч өвчин нь цочмог хөнгөн өнгөрч өөрийн жамаар эдгэрдэг байна. Хүнээс хүнд халддаг гэдэсний халдварт өвчин юм. Аюулхай орчим эмзэглэх, дотор муухайрах, бөөлжис хүрэх, хоолонд дургүй болох урьдал үеийн дараа арьс салст нь шарлаж шээс нь өтгөрөх шинж тэмдэг илэрдэг байна. Илрэх шинжээр нь шарлалттай, шарлалтгүй, балархай, шинж тэмдэггүй гэх бөгөөд цочмог 1-3 cap, ужиг 3-6 cap үргэлжилдэг байна. өвчлөгсдийн ихэнх нь буюу 90 хувь нь эдгэрдэг.

“В” гепатит парентераль замаар халдварлаж, элгийг зонхилон гэмтээгч вирусын халдварт өвчин юм. Өвчин олон төрөл байх ба вирус хадгалагч шинж тэмдэггүй хэлбэрээс элэгний цочмог дутагдалд хүргэх хүнд хэлбэрийн гепатит, цирроз болон хавдар үүсгэдэг. В гепатит бэлгийн замаар болон цус сэлбэх, мэс ажилбар хийх, шүд эмчлүүлэг, эмэгтэйчүүдийн ариутгагдаагүй хэрэгслүүдээс халдварладаг.
Энэ вирусээр эрэгтэйчүүд хадгалагч болох нь элбэг байдаг өвчний явцыг нууц үе, шарлалтын өмнөх урьдал, шарлалттай, эдгэрэх гэсэн үед хуваадаг. Шарлалт, хордлогын хэмжээ нэмэгдэх тусам элэгний хэмжээ багасах нь элэгний хурц дутагдал үүсч буйн илрэл аж. Шарлалтын эхний 10 хоногт дэлүү томрох нь өвчлөгсдийг 25-30 хувьд ажиглагддаг. Энэ өвчний үед хоолны дэглэмийг нарийн чанд сахиж, хөдөлгөөний хязгаарлалт хийх нь чухал.

“С” вирус нь хүнээс хүнд халдварлан элгийг зонхилон гэмтээдэг вирусын халдварт өвчин юм. Гол төлөв цус сэлбэсний дараа 90 хувьд үүсч цочмог хэлбэр нь ихэнхдээ элэгний үрэвслийн хөнгөн хэлбэрээр явагдах боловч архагших нь элбэг. Цочмог “С” гепатитаар өвчлөгсдийн 50-85 хувьд халдвар архагшиж вирус хэдэн арван жилээр хүний биед үлдэж хоцордог. Энэ гепатит ялгаагүй нэн хүнд хэлбэр, архаг гепатит, элэгний цирроз, хавдар үүсэх үндэс болдог. Халдвар авсанаас хойш эхний зургаан сарыг өвчний хурц үе гэж үздэг. 2-6 долоо хоногийн турш нууц үе нь явагддаг.
Архаг “С” гепатит өвчтэй хүн 20-30 жилийн дараагаар аажмаар элэгний хатууралд шилждэг. Мөн архи хэрэглэх явдал нь өвчний явцыг хурдасгаж, элэгний хатууралд богино хугацаанд хүргэдэг байна. Архаг “С” гепатит өвчтэй хүмүүс нь байнга ханиад төст шинжүүд илэрдэг. Ядарч, сульдах, огиудас хүрэх, чичрүүдэс хүрэх, ходоод, үе мөч өвдөх, толгой өвдөх, эргэх, биеэр тууралт гарах, сэтгэл гутралд орох, нойргүйдэх, хоолны дуршил муудах, жин нэмэгдэх зэрэг шинж тэмдгүүд илэрдэг аж.
Архи хэрэглэх нь вирусын халдварыг улам даамжруулж, өвчний явцыг хурдасгадаг. Судалгаанаас харахад өдөрт 1-2 хүндага архи уухад С, В вирусын гепатиттай өвчтөний элэгний хатууралд хүрэх явц улам хурдасдаг байна. Тамхи татдаг бол тамхиа хаях, кофе, өөх тостой, шарсан хуурсан, халуун ногоотой хоол хүнснээс татгалзаж амьдралын зарим хэв маягаа өөрчлөх хэрэгтэйг анхааруулж байна.

“Сүү” компанийн үйл ажиллагааг зогсоолоо

-Ямар ч стандартгүй тоног төхөөрөмж, баталгаагүй сүүгээр үйлдвэрлэдэг бүтээгдэхүүнээс нь энтеровирусын бактери илэрчээ-

Том үйлдвэр гэхээр л сайн, чанартай бүтээгдэхүүн үйлдвэрлэдэг гэдэг ойлголт хэдийнэ өнгөрчихжээ. Ялангуяа хүн амын гол хэрэгцээ хүнсний бүтээгдэхүүн үйлдвэрлэгч томоохон үйлдвэрүүдийн талаар сүүлийн үед багагүй хэл ам гарах боллоо.
Оны өмнөхөн “Талх чихэр” компанийн бялуу, нарийн боовны цехийн ажилчид аммиакинд хордож нас барлаа гээд л шуугисан. Гэтэл аммиак биш суурь өвчнөөсөө болж “Талх чихэр”-ийн ажилтан амиа алдсан гэсэн онош тавигдсан билээ. Магадгүй “Талх чихэр” химийн бодистой бүтээгдэхүүн үйлдвэрлэдэг ч юм бил үү гэсэн хардлага гарах болсон.
Харин өчигдөр Монголын сүү сүүн бүтээгдэхүүний зах зээлийн дийлэнх хувийг хангадаг ганц үйлдвэр болох “Сүү” хувьцаат компанийн үйл ажиллагааг зогсоолоо. НМХГ-ын Сонгинохайрхан дүүрэг дэх Мэргэжлийн хяналтын хэлтсээс тус үйлдвэрт шалгалт хийжээ. Шалгалтаар ноцтой олон зөрчил илэрсэн байна. Гол түүхий эд болох сүү нь стандартын шаардлага хангадаггүй, гарал үүслийн гэрчилгээгүй, хаанаас хэзээ оруулж ирсэн нь тодорхойгүй сүүгээ лабораторийн шинжилгээнд хамруулж, баталгаажуулдаггүй байжээ.
Мөн тус компани 35 нэр төрлийн тоног төхөөрөмж ашигладаг байна. Тэдгээр нь аюулгүй ажиллагааны гэрчилгээгүй, 22 нь стандартын гэрчилгээ байхгүй, аль улсын ямар үйлдвэрийн техник гэдэг нь тодорхойгүй байсан аж. Энэ нь ажилчдынхаа хөдөлмөрийн аюулгүй ажиллагааг хангаж ажилладаггүй гэсэн үг юм.
Дээрх зөрчлүүдээс гадна хамгийн ноцтой зүйл тус компанийн хуванцар савтай цөцгийтэй тарагны савнаас нь энтеровирусын бактери илэрсэн гэнэ. Савнаас нь илэрч байгаа юм чинь таргандаа ч мөн адил бактери нь агуулагдаж байгаа хэмээн Сонгинохайрхан дүүрэг дэх Мэргэжлийн хяналтын хэлтсийн дарга М.Баасандорж ярьж байна.
Дээрх таргийг идсэн хүмүүс, хүүхэд багачууд маань ямар нэгэн хордлого болох, халдварт өвчин ч тусч болзошгүй юм. Мөн үйлдвэрлэлдээ ашигладаг амт, үнэр, өнгө оруулах 15 нэмэлт бүтээгдэхүүний долоогийнх нь хадгалах хугацаа дууссан, аль улсаас импортолсон зэрэг нь тодорхойгүй байжээ.
Энэ мэт Монголын хамгийн том хүнсний үйлдвэрээс зөрчил дутагдал бөөн бөөнөөр илэрч байна. Мэргэжлийн хяналтынхан “Сүү” компанийнханд 19 чиглэлээр зөрчил дутагдлаа арилгах албан шаардлага өгсөн байна. Зөрчлөө арилгатал үйлдвэрийн үйл ажиллагааг зогсоохоор боллоо. Харин зах зээл дээр гарсан бүтээгдэхүүнийг эргүүлэн татах боломжгүй байгаа аж. Учир нь сүү, сүүн бүтээгдэхүүн 48 цагийн дотор борлогддог гэнэ.

Асашёорюү Монголын Ерөнхийлөгч болно гэжээ

 Токио. /АФП/. Японы мэргэжлийн сумо бөхийн тэмцээний их аварга Асашёорюү Дагвадорж их спортоо орхисны дараа эх нутагтаа эргэн ирж, улс төрд хүч сорин Ерөнхийлөгчийн сонгуульд өрсөлдөнө гэж АФП мэдээллийн агентлагаас даваа гарагт мэдээлжээ.

“Би Монгол Улсын Ерөнхийлөгч болно гэж ёкозуна Асашёорюү хэлсэн” хэмээн одоо тэтгэвэртээ гарсан сумо бөхийн үсчин Такажу Хинахата Японы “Никкан Спорт” сонинд өгсөн ярилцлагандаа дурьджээ. Энэ жил 28 настай Их аварга сумогийн спортод 30 нас хүртэл барилдан зодог тайлсны дараа 2012 оны Монгол Улсын парламентын сонгуульд өрсөлдөж, Ерөнхийлөгч болох гараагаа эхлэхээр төлөвлөж байна гэж тус сонинд нийтэлжээ. Энэ жил 65 нас зооглосон Хинахата гуай өнгөрсөн жил тэтгэвэртээ гарах хүртлээ их аваргын үсчин байжээ. Түүнийг Их аварга аавтайгаа адилтган үздэг байна. Асашёорюү өнгөрсөн ням гарагт дууссан тэмцээнд түрүүлэн 23 дахь удаагаа Японы эзэн хааны цом хүртсэн билээ. Энэ амжилтаараа тэрээр сумогийн түүхэнд хамгийн их түрүү авсан бөхчүүдийн эхний дөрөвдүгээрт бичигдэх болсон.
Асашёорюү буюу бүтэн нэр нь Долгорсүрэнгийн Дагвадорж шинэ оны эхний тэмцээний сүүлийн өдөр залуу өрсөлдөгч, ёкозуна Хакухог ялсан гэж тус мэдээнд дурьдсан байна. 11 дүгээр сарын тэмцээн болон үүнээс өмнөх хоёр тэмцээнийг бэртлийн улмаас өнжөөд байсан Асашёорюүгийн талаар зодог тайлах асуудал яригдаж байсан ч тэрээр эргэн ялалтын эзэн болсон юм. Сумогийн ёс жаягийн дагуу Их аварга болон ёкозуна нар хэзээ ч цолоо хураалгадаггүй боловч амжилттай барилдахгүй бол зодог тайлдаг уламжлалтай.
Асашёорюү эргэн ирснээр их аваргын ялалтын мөчийн гэрэл зургууд даваа гарагт Японы хэвлэлүүдийн эхний нүүрийг дүүргэх болжээ. Их аваргын багш Такасаго түүнд анхаарал сэрэмжтэй байхыг сануулсан байна. Учир нь Японы уламжлалт ёс заншил баримтлагчдын хувьд их аварга үргэлж сөрөг тал болдог юм.
“Хэвлэл мэдээллийн хэрэгслээр Асашёорюү эргэн ирсэн тухай шуугих болно. Гэсэн хэдий ч чи бардамнан хийрхэх хэрэггүй. Хүмүүс чиний хийж буй үйлдэл, хэлсэн үг болгоныг ажиглаж байгаа. Тиймээс ялалт байгуулсан ч даруу төлөв байх нь зүйтэй” гэжТакасого гуай “Никкан Спорт” сонинд өгсөн мэдэгдэлдээ хэлжээ.
Асашёорюү XIII зууны үед Монголын эзэнт гүрнийг байгуулсан Чингис хааны нэгэн адил их омголон сэтгэлийн хөөрөлтэй гэж Их аваргатай дотно нөхөрлөдөг сумочийн хэлсэн үгийг тус сонин иш татжээ. Үүнээс гадна их аварга яагаад төрөлх улсынхаа төрийн өндөрлөг болох хүсэлтэй байгааг нэр нь үл мэдэгдэх эх сурвалж сонирхсоныг сонинд нийтэлжээ.
Монгол улс 1990 онд 70 гаруй жил оршин тогтносон коммунист дэглэмийг арилган ардчилсан тогтолцоог сэргээн босгожээ. Гэвч өнгөрсөн онд тус улсын парламентын сонгууль будлиантай боллоо хэмээн хүний амь эрсэдсэн үймээн самуун дэгдсэн юм гэж мэдээний төгсгөлд дурьдсан байна.

Шведийн БЭНДИЧИД ОХУ-ын ноёрхлыг тасаллаа




Долоо хоног үргэлжилсэн Бэндигийн ДАШТ ням гарагт өндөрлөлөө. Манай шигшээ энэ тэмцээнд В хэсэгт хүч үзэн хэсэгтээ 6р байрыг эзэлсэн билээ. Харин медалийн төлөөх тоглолтууд Дэлхийн шилдэгүүдийн хооронд ширүүхэн өрсөлдөөн дунд боллоо. Хагас шигшээ тоглотлын дараа Финланд-Казахстан хүрлийн төлөө тоглохоор болсон юм . Энэ тулаан тун сонирхолтой өрнөж Финландын хоккейчид 7:5-аар ялалт авлаа. Харин алтан медалийн төлөө ОХУ-Шведийн багийн хооронд сонирхолтой тоглолт болох байх гэж бодож байсан ч ОХУ-ын эхний хэдэн минутанд нэг гоол оруулсан ч Шведүүд 6 гоол дараалан хийж ялалт байгууллаа. Ингэснээр Шведийн баг түүхэндээ 10 дэх түрүүгээ авсан бол ОХУ-ынхан 8 дахь удаагаа түрүү байраас бүдэрлээ. Гэхдээ ОХУ-ын баг түүхэндээ 18 удаа түрүүлж байсан домогт баг юмаа. 

Асашёрюү Д.Дагвадорж нутагтаа ирлээ.


Мэргэжлийн сумогийн 68 дахь Ёкозүна Асаршоёрюү Д.Дагвадорж өчигдөр буюу 2009.01.28нд эх орондоо ирлээ. Түүний хувьд 3н багшё өнжөөд байсан бөгөөд энэ сард барилдахгүй бол зодог тайлагдах дөхсөн билээ. Тийм байсан ч итгэл төгс сайхан барилдаж түрүү байрыг авч 23 дахь удаагаа түрүүлэн домогт аврага Таканоханагийн амжилтыг давсан билээ. Ингээд тэрээр эх орондоо 2 хоноод буцах юм байна. 

Түүний хувьд сэтгүүлчдэд ярилцлага өгөхдөө би яагаад Монголоороо "Би эргэж ирлээ. Тэнгэр заяат Монгол түмэндээ баярлалаа" гэж хэлж болохгүй гэж хэлсэн байна. Ингээд та бүхэнийхээ итгэлийг алдахгүй дахин түрүүлэх болно. Сумогийн түүхэнд амжилтыг дахин гаргасаар байх болно гэжээ.

Wednesday, January 28, 2009

10 настай бухтай тулалдагч хүү



Мексик орон бухын тулаанаараа дэлхийд алдартай орон. Мексик эрчvvдийн эр зориг, хурд хvчний илэрхийлэл болсон энэхvv тулааныг сонирхогчдын дунд Мишелито Лаграве гэгч жаалхvvгийн нэр алдар тvгэн дэлгэрээд байна. Жаалхvv дєнгєж дєрєвхєн настайгаасаа бухын тулааныг сонирхож эхэлсэн бєгєєд тvvний эцэг нь тулаанд оролцохыг нь зєвшєєрчээ. Хvv бухын тулааны шалгуурыг даван гарсан тєдийгvй 6 бухыг алсан бєгєєд тvvний хэрхэн бухтай тулалдахыг харсан хvмvvс тvvнийг насанд хvрсэн туршлагатай бухтай тулалдагчаас дутахааргvй авьяаслаг болохыг нь хэлж байна. Гэвч цагаан хоолтнууд, амьтныг хамгаалагчдын холбоодууд болон ємгєєлєгчид, эцэг эх нь ч хvvхдийн эрхийн талаас нь Мишелито Лагравегйин сонирхлыг маш их тvгшvvртэйгээр хvлээж авч байгаа ба 4-хєн настай жаалхvvгийн тэмцэлдэгч бухын жин дор хаяж 450 кг байгаагаас гадна жаалхvvгийн амь нас хамгийн эрсдэлтэй нєхцєлд байна гэж эсэргvvцэж байгаа юм. Мексикийн хуулийн байгууллагаас хvvгээ бухын тулаанд оролцохыг зєвшєєрсєн хариуцлагагvй эцэгт нь хуулийн шийтгэл оноохыг хvссэн боловч энэ нь гэмт хэрэг биш учир бvтэлгvй болсон байна. Тэрээр хамгийн залуудаа бухтай тулалдсан Дэлхийн анхны тохиолдол болоод байгаа юм байна.

Дөрвөн хүн буудах тушаал өгсөн цагдаагийн удирдлагуудын хэргийг ирэх долоо хоногт прокурорт шилжүүлнэ

“Хар мягмар” гариг буюу өнгөрсөн жилийн долдугаар сарын 1-ний нийтийн эмх замбараагүй байдлын үеэр үеэр энгийн дөрвөн иргэн буудуулж амь насаа алдсан. Тэднийг  буудаж хөнөөсөн хэрэгт холбогдуулан Эргүүл хамгаалалтын газрын цагдаа нарыг буруутган жил дамнан шалгаж байгаа билээ.

Буудах тушаал өгсөн хэрэгт ЦЕГ-ын болон Нийслэлийн цагдаагийн буруутган эрүүгийн хэрэг үүсгэсэн ч заримынх нь хэргийг хэрэгсэхгүй болгоод байгаа.

НЦГ-ын дарга асан хурандаа О.Зоригтыг албан үүрэгтэй хайнга хандсан, буудах тушаал өгсөн гэсэн үндэслэлээр яллагдагчаар татагдсан гэх мэдээлэл зарим хэвлэлээр цацагдсан.

Хэргийг шалгаж байгаа Улсын ерөнхий прокурорын газраас тодруулахад  “Хэргийн мөрдөн байцаалт дуусах шатандаа орсон.  Хэргийн холбогдогч нарт хавтаст хэргийг танилцуулж байгаа. Ирэх долоо хоногт прокурорын хяналтад шилжүүлнэ” гэлээ.

Мөн энэ талаар зарим эх сурвалжийн мэдээлснээр “Мөрдөн байцаалтын ажиллагаа үргэлжилж байна. Хэргийг нь хэрэгсэхгүй болгосон хүн байхгүй. Цагдаагийн удирдлага дөрвөн хүнд албан тушаалдаа хайнга хандсан гэсэн Эрүүгийн хуулийн 272 дугаар зүйлд зааснаар шалгаж л байгаа” гэсэн юм.

ДОХ-оор өвчлөхөөс хамгаалах

          Дэлхийн практикт ХДХВ-ийн халдвартай хүмүүс Acyclovir гэдэг эмийг дархлаагаа дэмжих зорилгоор өдөрт хоёр ширхэгээр ууж хэрэглэдэг нь огт үйлчилдэггүй болохыг тогтоосон байна. Харин ч тус эм нь дахин нэмж халдвар авах эрсдэлийг бий болгодог нь судалгаагаар тогтоогджээ. Сиэтл хотын Хавдар судлалын төвөөс явуулсан судалгаанд уг эмийг хэрэглэдэг 3000 сайн дурынхан хамрагдсан ба тэдэнд хоёр төрлийн Acyclovir болон famcyclovir- эмийг хавсран хэрэглүүлжээ. Гэвч тэдний ДОХ-оор өвдөх эрсдэл нь 69 хувиар нэмэгдсэн гэсэн дүгнэлт гарсан байна.
         Энэхүү ургамлын гаралтай эмийг АНУ-д 45 сая хүн хэрэглэдэг юм. Тиймээс энэ эмийг ууж өөрийгөө эрсдэлд оруулахгүй байхыг “amfAR”-ийн дэд захирал, The Foundation for AIDS Research-ийн судлаач, доктор Ровена Жонстон зөвлөжээ. Бостонд байрладаг тус судалгааны төв нь эмийг Перу, Өмнөд Африк, Зимбабе, Замби-ийн сайн дурынханд бас туршсан байна. Доктор Жонсон ХДХВ нь хүний дархлааны системийг гэмтээдэг болохоор тухайн эм түр зуур үйлчлээд гүйцэд тархаж чадалгүй устдаг байж магадгүй гэсэн дүгнэлтийг мөн хийсэн байна. Одоо дэлхий дээр энэхүү өвчний халдвартай 33 сая хүн амьдарч байгаагийн 25 сая нь ДОХ-оор өвчлөөд байна. Тэдэнд зориулсан ямар ч эм, вакцин гараагүй хэвээрээ байгаа ба бэлгэвч л бэлгийн замаар халдах боломжийг хязгаарлахад тусалж байгаа юм.
 
            Энэхүү эмийг 1988 оноос үйлдвэрлэж эхэлсэн ба эмийг нээсэн эм зүйч Гертруд В Элиён нь Эмнэлгийн салбарын анхны Нобелийн шагналтан болсон юм. Acyclovir, химийн нэр нь acycloguanosine, гений хувьд дан бүтэцтэй, вирусын эсрэг эм юм. өөрөөр хэлбэл антибиотиктэй адилхан ч тусгайлсан зарим төрлийн вирусын эсрэг сайн үйлчилгээ үзүүлдэг. antimicrobials-ийн нэг хэлбэр ба antibiotic, antifungal, antiparasitic эмийн бүлэгт багтдаг юм. Тиймээс тус эмийг элэгний хорт хавдар үүсгэх аюултай гепатит В, С вирус болон ХДХВ-ийн эсрэг эм болгон хэрэглэж байна.

ХДХВ-тэй эх хүүхдээ хөхөөр хооллох нь эрсдэлтэй

"Nevirapine" /эмийн нэр нь Viramune/ эмийг ХДХВ-ийн халдвартай эх уугаад хүүхдээ хөхөөрөө хоолловол ямар нөлөөтэй байгаа талаар судалгааг Балтиморын их сургуулийн доктор Брюк Жексон, Жонс Хопкенс нар Этопи, Уганда, Энэтхэг улсад хийсэн байна. Энэхүү судалгааны тайлангаа Бостон хотод болсон ДОХ-ын мэргэжилтнүүдийн уулзалт дээр тавьжээ. Nevirapine-г ураг халдвар авахаас сэргийлэх зорилгоор жирэмсэн эхэд уулгадаг юм. Уг эмийг ууж байсан эхчүүдийн 47 хувь нь эрүүл хүүхэд төрүүлсэн байна. Гэвч хүүхэд эрүүл төрсөн ч гэсэн явцын дунд эхийнхээ сүүгээр дамжин халдвар авах нь их байдаг. Ихэнх хөгжиж байгаа оронд хүүхдийг хөхөөрөө хооллох гэсэн ганцхан боломж байдаг.

 Эрдэмтэд 2001-2007 оны хооронд 2000 шинэ хүүхдэд Nevirapine эмийг 6 долоо хоногтой байхаас нь эхлэн витаминтай хамт өгч байжээ. Тэгээд 6 сарын дараа ХДХВ-ийн халдвар авах болон нас баралтын тоо 3/1хувиар багассан ба хүүхдэд ганцхан тунгаар эмийг өгсөн тухайгаа Жонс Хопкенг мэдэгдсэн байна. Дэлхийн эрүүл мэндийн байгууллагаас гаргасан судалгаагаар жил бүр ХДХВ-ийн халдварыг 150.000 шинэ төрсөн хүүхэд авдаг ажээ.
 
Viramune® (nevirapine) нь ХДХВ болон ДОХ-ын эм биш бөгөөд зөвхөн бэлгийн бус замаар халдвар дамжих эрсдэлийг багасгаж, цусыг бохирдуулахгүй байх үйлчилгээтэй эм юм. Элэг болон арьсанд нөлөө үзүүлж болох ч үхэлд хүргэхээр тийм хүчтэй нөлөөг үзүүлэхгүй. Эхний удаа 18 долоо хоногийн эмчилгээ хийсний дараа ямар нөлөө үзүүлснийг тогтооно. Гэвч гаж нөлөө нь хожуу илэрч болно. Ямар нэгэн нөлөө үзүүлсэн байвал хэрэглэхийг зогсоо. Үүнээс бусад тохиолдолд өвчтөн болгон хэрэглэж болох ч CD4 буюу дархлааны эсийн тоо нь их байгаа өвчтөн эхэлж хэрэглэхгүй байхыг зөвлөдөг. Хэрвээ эмэгтэй CD4+ >250 cells/mm3 –тай, эрчүүд CD4+ >400 cells/mm3 –тай байвал жингээ хурдан алдах аюултай тул хэрэглэхгүй байхыг зөвлөдөг. Мөн CD4+ cell counts >250 cells/mm3 –тай жирэмсэн эмэгтэй ууж болохгүй.
 
Насанд хүрэгчид уг эмийг эхний 14 хоногт 200 мг-тай нэг таблетикийг өдөрт нэг ширхэгээр уух ба түүнээс хойш өдөрт 2 ширхэгээр уудаг. Эхний 14 хоногт ямар нэгэн нөлөө гараагүй бол үргэлжлүүлэн хэрэглэж болно. Эмийг ууснаас хойш огиулах, бөөлжих, халуурах, толгой өвдөх, ядарч сульдах, гүйлгэх, хэвлийгээр өвдөх зэрэг гаж нөлөө илэрнэ.

Хөгжилтэй тоглоом татаад тоглоорой.




Сонирхолтой хөгжилтэй тоглоом тоглоод үзээрэй хүмүүсээ

Татах холбоос



KIS 8 шинэ түлхүүр /монгол сервер /




KIS 8 шинэ түлхүүр /монгол сервер /

Татаж авах холбоос




Хүүхнүүд яагаад араар тавьдаг вэ?

Бvсгvйчvvдийн хувьд эр нєхєр, амраг хайртаа араар тавих хэд хэдэн шалтгаан байдаг ч бvх бvсгvйчvvд нэг ижил шалтгаанаар хайртыгаа хуурдаггvй байна.Зарим тохиолдолд хэн нэгний хэрээс хэтэрсэн тодорхой шалтгаан байдаг бол бусад нь нєхцєл байдлаас хамаарсан байдаг аж.

Сэтгэл зvйн хэрэгцээ
Эмэгтэйчvvд нь сэтгэлийн єндєр хєдєлгєєнтэй хvмvvс. Зарим тохиолдолд эрчvvд тэдний энэхvv сэтгэл хєдлєлийг vл хайхрах, ойлгохыг хvсэхгvй зэрэг байдал гаргадаг нь бvсгvйчvvдийг хайртынхаа араар тавихад хvргэдэг байна.

АНУ-ын Шинэ Ерөнхийлөгч Брак Обома тангараг өргөлөө.








Энэ зууны дуулиант үйл явдалуудын нэг болсон АНУ-ын анхны хар арьст Ерөнхийлөгч Брак Обома тангарагаа өргөлөө. Түүний энэхүү ёслолын арга хэмжээг олон улсад зэрэг дамжуулсан бөгөөд мөн хуучин Ерөнхийлөгч асан Жорж Буш халаагаа өглөө.

Хотын Утаа

Улаанбаатар хотын утаанд дунд нээрээ амьсгалсаар байтал эрүүл эрхтэнгүй болж байх шиг байна дөө. Анхнаасаа зохион байгуулалт муутай хотын энэ байдлаас болж Монгол Улсын олон хүн уушгины өвчин эмгэг, бага насныхан амьсгалын замын эмгэгүүдээр өвдөх нь элбэгшээд байгаад хэн буруутай гэж бодож байна даа. Ийм байдалд орно гэж анх хотын зохион байгуулалт дээр ажиллаж байсан хүмүүс мэдээгүй ч ийм байдал бий болчоод байгаатай одоо эвлэрэх нь зөв ч энэ байдалыг засахын тулд ажиллаж байгаа хүн харагдахгүй байгаа нь харамсалтай байна. 

Байгаль орчноо хайрлая...

Монголчуудаа бид эх болсон байгаль орчноо хайрлах цаг болсон юм бишүү? Энд тэндгүй л моднууд нь өгөршиж хатаж, хөрөөдөх тайраад дууслаа. Байгаль орчноо хайрлая гэсэн зарим нэг нь нэг талд нь тарьж байхад өөрийнхөө амьдралыг залгаж, өөрийнхөө ашгийг бодсон нэг нь нөгөө талаас нь устгаад байвал яаж Цэвэр орчин, сайхан байгаль бий болох билээ дээ. 

Хүн бүхэний хамтын зүтгэл, нэгдмэл байдал л байгаль орчныг аварч чадах бусуу. Одоо Монголын дийлэнх ой тайгууд хүмүүсийн хар гайгаар шатаж устгаж, тайруулж алга болж байна шүү дээ. Би одоо л энэ бүхэнийгээ зогсоож нэг эв санаагаар нэгдэхгүй бол удахгүй Монгол орны байгаль зүгээр л устгах нь нүдэнд илхэн харагдаж байна. Энэ бүгдийг бодохоор сэтгэл эмзэглэж байна. 

Байгаль орчноо хамгаалахын төлөө олон сайхан байгуулгууд нээгдээд л байна тэднийхээ үйл ажиллагааг Улс төрийн томчууд нь дэмжээд өгвөл уул нь их хэрэгтэй юм шүү дээ. Хаа хамаагүй энд тэндэхийн машины компани, бүтэхгүй үйлдвэрүүдэд хөрөнгө оруулж байхаар Байгаль орчноо хайрлан хамгаалаад байвал эцэст нь үр хойчид чинь үр ашгаа өгөх болно шүү дээ.

 

АСАШОРЮҮ Д.Давгадорж 23 дахь түрүүгээ авлаа.

Японы Мэргэжлийн сумогийн түүхэнд өөрийнхөө нэрийг мөнхөлж чадсан Монголын Арслангын энэ Заан Долгорсүрэнгийн хүү Дагвадорж маань 3 башё өнжсөнийхөө эцэст 23 дахь түрүүгээ авч чадлаа. Түүний хувьд энэ башё их онцлогтой башё гэхэд болно хэн ч 2-с дээш башё өнжчихөөд эргэн ирж барилдаан түрүү байрын төлөө өрсөлдөөнийг Сумогийн түүхэнд хийж байгаагүй билээ. Харин манай Д.Давгадорж Их аврага маань энэ түүхийг эвдэж үнэхээр сайхан түрүүг авч чадлаа. Түүний хувь тэмцээн эхлэхээс л хошуучлагчын байранд явсаар эцсийн өдөр М.Даваажаргалтай барилдаж унаснаар хоёр аварга маань ижилхэн 14-1 болсон билээ. Ингээд нэмэлт барилдаанд Асашорюү аврага маань илүүрхэн түрүү байрыг авч чадлаа. Сэтгэл нь хөдөлсөн Их аврага маань өөрийн эрхгүй нулимс туслуулж байлаа. Тэрээр барилдаан дуусаад ярилцлага өгч байхдаа Монголоор Их аврага нь эргэн ирлээ та нартаа баярлалаа гэсэн үгийг хэлсэн нь сэтгэлд үнэхээр сайхан байлаа. Ингээд Их аврагадаа улам их амжилтыг хүсье?

Жүрёо зиндаанд манай Шенторёо Нямсүрэн маань 2 дахь удаагаа түрүүлж ирэх сард дээд зиндаанд орох болзлоо итгэл төгс биелүүллээ.Амжилт хүсье.

Нийслэлээ шилжүүлэх болоогүй юмуу???

Би энэ Монгол Улсын төрийн өндөрлөгүүдийг үнэхээр ойлгохгүй байна. Улаанбаатар хотдоо хүн ард нь багтаж шингэхгүй байхад л мянга мянга шоргоолжыг нэг доор цуглуулаад л улам л олон болгоод байгаад нь эмзэглэж байна. Үнэхээр л Монгол Улсынхаа төлөө санаа зовинож цаашид хэрхэн хөгжүүлэх вэ гэж бодож байгаа бол маргааш шууд Нийслэлээ шилжүүлэх хэрэгтэй гэж бодож байна. 

Хар та нар Улаанбаатар хотод одоо байшин барилга барих байтугай машин тавих, явган хүн алхах газаргүй болж байна шдээ тийм байтал газар худалдаад л наймаалцаад л байх юм. Энэ тухайгаа нэг бодоосой. Би л байсан бол одоо байгаа нийслэлээс хавьгүй дээр цаашид Дэлхийд Монгол улсын нэрийг өндөрт өргөх тийм газрыг эртнээс төлөвлөж тэндээ зөв бүтэц зохион байгуулалтайгаар ажиллаж эхлэх байсан харин манайхны хувьд бол тийм зүйл алга байна. 

ДОХ-ын эсрэг хамтдаа...

Монгол Улсын хэмжээнд одоогийн байдлаар 48 хүн ДОХ буюу ХДХВ-ын халдвартай нь оношлогдоод байгаа билээ тэдний 16н ДОХ-ын шинж тэмдэг нь эрчимтэй явагдаж байгаа, харин 8 хүн нь аль хэдийн насан өөд болсон билээ. Энэ бидэнд нэгэн зүйлийг бодогдуулахгүй байна гэжүү? Хайртай хайртай л гэнэ хайртай гэснийх нь зоргоор бэлгийн хавьталд орох, хүнтэй унтмаар байна гээд таарсан болгонтойгоо унтаж явах, шоу пари л гэнэ тэгээд танилцсан нэгэнтэй унтах, бие үнэлэгч аваад бэлгийн харьцаанд орох энэ бүгд эцэстээ эрсдэлтэй байдалд хүргэж байгааг та бүхэн бодох цаг болсон юм бишүү. 

Бэлгийн харьцаанд орж болноо битгий БЭЛГЭВЧЭЭ МАРТАЖ байгаачээ. Энэ л хамгийн чухал зүйл шдээ. Бэлгэвч таныг 99% хамгаална шүү дээ. 1000-1 тохиолдол эсвэл 1 сая-1 тохиолдол нь ДОХ тусах аюулд өртөх магадлалтай гэхдээ БЭЛГЭВЧ бол 100% найдвартай байж чадна шүү дээ цоороогүй, хугацаа нь дуусаагүй л бол таныг хамгаалж чадна. Бэлгэвчээ хэрэглэж занших хэрэгтэй, Та байнга түрүүвч, цүнхэн дотроо БЭЛГЭВЧ авч явж байлдаа хүмүүс таныг бэлэн гэж бодно л биз эрүүл мэнддээ, үр хойчдоо санаа зовниж явдаг нэгэн л байгаа биз. Хүмүүс юу гэх нь хамаагүй зөвхөн та л өөрөө эрүүл байхад хангалттай шүү дээ. Хаана ч хэний ч өмнө нүүр бардам алхах болно. Тэгээд эцэст нь хэлэхэд тохиолдлын бэлгийн хавьтлаас сэргэмжлэх хээгтэй шүү залуусаа...



Монгол улсад ДОХ-той хүн 50 болсон мэдээг өчигдөр авлаа. 50дахь хүн нь 50 гарсан настай эрэгтэй хүн байжээ. Энэ ч ёстой муухай мэдээ байна даа.